थरारक! दुचाकी पार्किंगच्या वादातून महिलेची केली चाकू भोसकून हत्या 

शेजाऱ्याने महिलेला संपविले : नंदनवनमध्ये थरार

ठळक मुद्देआरती नितीन गिरडकर (वय ३४) असे मृत महिलेचे नाव असून  आरोपीचे नाव बंडु उर्फ एकनाथ प्रेमराज टापरे ( वय २९) आहे.खांद्यावर, छातीवार, पोटावर मारून आरोपीने त्यांची निर्घृण हत्या केली.

नागपूर : दुचाकी पार्क करण्याच्या क्षुल्लक कारणावरून निर्माण झालेल्या वादात एका आरोपीने शेजारच्या महीलेची चाकूने भोसकून निर्घृण हत्या केली. नंदनवनमध्ये बुधवारी रात्री ही थरारक घटना घडली. आरती नितीन गिरडकर (वय ३४) असे मृत महिलेचे नाव असून  आरोपीचे नाव बंडु उर्फ एकनाथ प्रेमराज टापरे ( वय २९) आहे.

बुधवार  रात्री ९.३०च्या सुमारास केडीके कॉलेज मार्गावरील नंदनवन झोपडपट्टी, गल्ली नं. ५ मध्ये राहणारे नितीन नारायण गिरडकर (वय ४२) यांची पत्नी आरती त्यांची दुचाकी घराजवळ पार्क करीत असतांना शेजारी राहणारा आरोपी बंडु उर्फ एकनाथ प्रेमराज टापरे याने आक्षेप घेत शिवीगाळ सुरू केली. त्यामुळे वाद वाढला. आरती यांनी जशास तसे उत्तर दिल्यामुळे आरोपीबंडु टापरे याने आरती यांच्याकडे धाव घेतली. त्यांना आरोपीने चाकूने भोसकले. खांद्यावर, छातीवार, पोटावर मारून आरोपीने त्यांची निर्घृण हत्या केली. आरडाओरड ऐकून आरती यांचे पती नितीन आणि शेजारी धावले. जखमी अवस्थेत त्यांना रुग्णालयात नेण्यात आले मात्र डॉक्टरांनी त्यांना मृत घोषित केले. या घटनेमुळे परिसरात मोठा थरार निर्माण झाला. माहिती कळताच नंदनवन पोलिसांचा ताफा पोहचला. नितीन यांनी दिलेल्या तक्रारीवरून पोलिसांनी आरोपी टापरेविरूध्द गुन्हा दाखल करून अटक केली. पुढील तपास सुरू आहे.

 

अन्य महत्वाच्या बातम्या...

 

भाजपाच्या व्हॉट्स अ‍ॅप ग्रुपवर 'या' माजी मंत्र्याने पाठवला अश्लील व्हिडीओ

 

Coronavirus News : कोरोनाचा संसर्ग फैलावत असल्याचा आरोप करून शेजाऱ्याने गार्डचे विटेने फोडलं डोकं

 

नग्नावस्थेत फ्रिजमध्ये आढळले महिलेचे अर्धवट शरीर, बलात्कार करून निर्घृण हत्या केल्याची शक्यता 

 

Shocking! भारत-चीन सीमेवर IES अधिकारी बेपत्ता, घरात सुरू होती लगीनघाई

 

लज्जास्पद! अपहरण करून मुलीवर बलात्कार; चौघांना अटक, मुख्य आरोपी भाजपा पंच फरार

 

विवस्त्र करून तरुणाला बेदम मारहाण, व्हिडिओ व्हायरल होताच पोलिसांनी घेतले दोघांना ताब्यात