नवी दिल्ली - देशात अनेक धक्कादायक घटना समोर येत आहेत. अशीच एक संतापजनक घटना समोर आली आहे. शाळेतील विद्यार्थिनीला शिक्षकच अश्लील मेसेज पाठवत असल्याचा भयंकर प्रकार समोर आला आहे. मुलीच्या घरच्यांशी आरोपी शिक्षकाला चांगलाच धडा शिकवला असून त्याची यथेच्छ धुलाई केली आहे. मिळालेल्या माहितीनुसार, राजस्थानच्या सीकर जिल्ह्यात ही लज्जास्पद घटना घडली आहे. विद्यार्थिनीला मोबाईलवर शाळेतील शिक्षक अश्लील मेसेज पाठवत होता. यामुळे त्रस्त झालेल्या मुलीने आपल्या पालकांना हा प्रकार सांगितला आणि धक्कादायक प्रकार उघड झाला.
मुलीने भयंकर प्रकार सांगितल्यानंतर संतापलेल्या कुटुंबीयांनी शिक्षकाची धुलाई केली आहे. फतेहपूरच्या मारडाटू गावात एक सरकारी शाळा आहे. या शाळेतील गणिताच्या शिक्षकाने हे कृत्य केलं आहे. सुरेश कुमार असं या आरोपीचं नाव आहे. मुलीच्या कुटुंबीयांनी आरोपी शिक्षकाला पकडलं आणि मारहाण केली आहे. देश सध्या कोरोनाच्या महाभयंकर संकटाचा सामना करत आहे. त्यामुळे शाळा बंद असून ऑनलाईन शिक्षण सुरू आहे. ऑनलाईन क्लाससाठी शिक्षकांकडे सर्व विद्यार्थ्यांचे फोन नंबर आहेत.
दहावीच्या विद्यार्थिनीचा मोबाईल नंबर हा ऑनलाईन क्लास अटेंड करण्यासाठी शिक्षकाकडे देण्यात आला होता. मात्र सुरेश कुमार यांने त्यानंतर विद्यार्थिनीला अश्लील मेसेज पाठवण्यास सुरुवात केली. सुरुवातीला मुलीला वाटलं की चुकून असा मेसेज सेंड झाला असेल. मात्र त्यानंतर सातत्याने असे अश्लील मेसेज मुलीला येऊ लागले. हा प्रकार वाढल्याने तिने आपल्या कुटुंबीयांना याबाबत माहिती दिली. मुलीच्या नातेवाईकांनी आरोपीला पकडलं आणि मारहाण केली. घटनेची माहिती मिळताच पोलीस घटनास्थळी दाखल झाले असून अधिक तपास करण्यात येत आहे.
बंदुकीसोबत सेल्फी काढणं पडलं महागात, नवविवाहितेचा मृत्यू पण माहेरच्यांनी केला धक्कादायक खुलासा
उत्तर प्रदेशच्या हरदोईमध्ये एक धक्कादायक घटना घडली आहे. बंदुकीसोबत सेल्फी काढणं एका महिलेला चांगलंच महागात पडलं आहे. तिला आपला जीव गमवावा लागला आहे. मात्र धक्कादायक बाब म्हणजे मुलीच्या माहेरच्यांनी याबाबत मोठा खुलासा केला आहे. हुंड्यासाठी आपल्या मुलीचा प्रचंड छळ करण्यात आल्याचं म्हटलं आहे. तसेच दोन लाखांसाठी सासरची म़ंडळी तिला खूप त्रास देत असल्याचं सांगितलं आहे. पोलिसांनी मृतदेह ताब्यात घेतला असून पोस्टमार्टमसाठी पाठवला आहे. पोलीस या प्रकरणाचा अधिक तपास करत आहेत. तरुणीचे वडील राकेश कुमार यांनी मुलीचा पती आकाश आणि सासू-सासरे यांच्या विरोधात हुंड्यासाठी 2 लाख रुपये मागून अत्याचार केल्याची तक्रार दाखल केली आहे.