Sonam Raghuvanshi : "मी कोणाशीही लग्न केलं तरी मी तुझीच गर्लफ्रेंड...", सोनमसमोर स्टेजवर ढसाढसा रडला राज

Raja Raghuwanshi And Sonam Raghuvanshi : सोनम रघुवंशी लग्नानंतर स्वतः तिच्या नवऱ्याला मारण्याचा कट रचत होती. तिच हत्येची मास्टरमाईंड आहे. सोनमने तिचा बॉयफ्रेंड राज कुशवाह आणि चार कॉन्ट्रॅक्ट किलरच्या मदतीने हा कट रचला.

सोनम रघुवंशी लग्नानंतर स्वतः तिच्या नवऱ्याला मारण्याचा कट रचत होती. तिच हत्येची मास्टरमाईंड आहे. सोनमने तिचा बॉयफ्रेंड राज कुशवाह आणि चार कॉन्ट्रॅक्ट किलरच्या मदतीने हा कट रचला. पोलीस पथक सर्व आरोपींना ट्रान्झिट रिमांडवर शिलाँगला घेऊन जात आहे, जिथे त्यांची अधिक चौकशी केली जाईल. मेघालय पोलिसांनी संपूर्ण ऑपरेशनला 'ऑपरेशन हनिमून' असं नाव दिलं होतं.

सोनमने तिच्या कुटुंबाच्या संमतीने राजा रघुवंशीशी लग्न केलं, परंतु तिचं राज कुशवाहवर प्रेम होतं. लग्नानंतर सोनमने राजाला आपल्या मार्गातून हटवण्याचा कट रचण्यास सुरुवात केली. रिपोर्टनुसार, सोनमचे लग्न ठरल्यानंतरही सोनम रघुवंशी राजला भेटायची. सोनम राजसाठी कपडे, महागड्या वस्तू खरेदी करायची आणि त्याच्या गरजा पूर्ण करायची असं म्हटलं जातं.

राजाच्या हत्येचा प्लॅन अयशस्वी झाला असता तर काय करणार होती सोनम? बॅकअप प्लॅन तयार

सोनमचा बॉयफ्रेंड राज कुशवाह तिला म्हणायचा 'दीदी'; कोणी केला धक्कादायक दावा?

सोनम आणि राजा रघुवंशी यांच्या लग्नाला राजही उपस्थित होता. सोनम स्टेजवर येताच राज ढसाढसा रडू लागला. राजला रडताना पाहून सोनमच्या कुटुंबातील सदस्यांनी त्याचं सांत्वन केलं. कुटुंबातील सदस्यांना वाटलं की, एकत्र काम केल्यामुळे राज भावनिक झाला असावा. त्याच वेळी सोनमने राजला सांगितलं होतं की, जरी मी कोणाशीही लग्न करत असले तरी मी तुझीच गर्लफ्रेंड राहीन.

"माझ्या मुलाला न्याय हवाय, सोनमच्या खात्यात २० लाख..."; राजाच्या आईने केली सुनेची पोलखोल

"राजचं नाव ऐकलं अन्..."; पोलिसांच्या एका ट्रिकने फेल झाला सोनमचा 'तो' प्लॅन

लग्नानंतरही सोनमने राजला मिळवण्यासाठी हत्येचा संपूर्ण कट रचला. लग्नानंतर तिने हनिमूनचा प्लॅन केला. राजा आणि सोनम विमानाने गेले पण सर्व आरोपी ट्रेनने गेले. सोनमने स्वतः तिकिटं बुक केली. सर्व आरोपी २१ मे रोजी गुवाहाटीला आले. त्यानंतर, ते २२ मे रोजी सोनमच्या मागे शिलाँगला गेले. २३ मे रोजी त्यांनी राजाची हत्या केली.