Sonam Raghuvanshi : "राजा जवळ येतो, जे मला अजिबात आवडत नाही"; सोनमच्या चॅटमधून खळबळजनक खुलासा
By ऑनलाइन लोकमत | Updated: June 10, 2025 11:39 IST2025-06-10T11:39:04+5:302025-06-10T11:39:39+5:30
Sonam Raghuvanshi And Raja Raghuvanshi : सोनमने लग्नाच्या फक्त तीन दिवसांनंतर राजाला मारण्याचा प्लॅन केला होता. राज कुशवाह आणि सोनममधील चॅट्स आता समोर आलं आहे.
Sonam Raghuvanshi : "राजा जवळ येतो, जे मला अजिबात आवडत नाही"; सोनमच्या चॅटमधून खळबळजनक खुलासा
इंदूरच्या राजा रघुवंशी हत्या प्रकरणाचा तपास जसजसा पुढे सरकत आहे, तसतसे नवनवीन खुलासे होत आहेत. याच दरम्यान आणखी एक खळबळजनक खुलासा झाला आहे. सोनमने लग्नाच्या फक्त तीन दिवसांनंतर राजाला मारण्याचा प्लॅन केला होता. राज कुशवाह आणि सोनममधील चॅट्स आता समोर आलं आहे. चॅटनुसार सोनम लग्नाच्या तीन दिवसांनी राजाला मारण्याच्या प्लॅनबद्दल राज कुशवाहशी बोलली होती. लग्नानंतर सोनमला तिचा पती राजा रघुवंशीचं तिच्या जवळ येणं आवडत नव्हतं.
सोनमने राज कुशवाह याच्याशी केलेल्या चॅटमध्ये लिहिलं होतं की, माझा नवरा राजा माझ्या जवळ येत आहे, जे मला अजिबात आवडत नाही. सोनमने लग्नाआधीच राजा रघुवंशीपासून अंतर ठेवण्यास सुरुवात केली होती. अशा परिस्थितीत तिने राजाला मारण्यासाठी राज कुशवाहसोबत मेघालयला जाण्याचा प्लॅन केला. हत्येसाठी मुद्दाम तिने हे ठिकाण ठरवलं.
नेपाळला पळून जाण्याचा होता सोनमचा प्लॅन?, कोणीही ओळखू नये म्हणून 'अशी' लढवली शक्कल
५ वर्षांनी लहान असलेला सोनमचा बॉयफ्रेंड राजाच्या हत्येचा मास्टरमाईंड; अशी सुरू झाली लव्हस्टोरी
सोनम आणि राजाचं ११ मे रोजी इंदूरमध्ये लग्न झालं होतं. २० मे रोजी ते हनिमूनसाठी मेघालयला गेले होते आणि २३ मे रोजी बेपत्ता झाले होते. त्यानंतर २ जून रोजी राजाचा मृतदेह मेघालयातील पूर्व खासी हिल्स जिल्ह्यातील सोहरा परिसरातील धबधब्याच्या जवळ एका खोल दरीत आढळला. राजाच्या शवविच्छेदन अहवालात त्याची धारदार शस्त्राने हत्या करण्यात आल्याचं उघड झालं आहे.
सोनम बेवफा! ११ मे ला लग्न, २० ला हनिमून, २३ ला हत्या; १७ दिवसांनी कोणाला केला पहिला फोन?
राजाच्या चेहऱ्यावर हसू अन् सोनमच्या डोक्यात हत्येचं प्लॅनिंग? लग्नातला 'तो' Video तुफान व्हायरल
सोनम आणि राजाच्या लग्नातला एक व्हिडीओ आता सोशल मीडियावर जोरदार व्हायरल होत आहे. लग्नातील एका विधीदरम्यान राजा सोनमला सिंदूर लावताना दिसत आहे. यामध्ये राजाच्या चेहऱ्यावर हसू पाहायला मिळत असून तो खूपच जास्त आनंदी आहे. मात्र सोनमचा चेहरा पडलेला पाहायला मिळत आहे. तिच्या चेहऱ्यावर कोणतेच भाव नाहीत. त्यामुळेच ती या लग्नामुळे खूश नसल्याचं दिसून येत आहे.