पतीला मारलं अन् तुरुंगात गेली, नवा बॉयफ्रेंड बनवला; कैदेतून बाहेर येताच सासऱ्याचाही खेळ खल्लास केला! नेमकं झालं काय?

महिलेने आपल्या प्रियकरासोबत मिळून सासऱ्याची हत्या केली. त्यानंतर सासऱ्याचा मृतदेह बाजरीच्या शेतात फेकून दिला.

आग्रा पोलीस सध्या बबली नावाच्या महिलेचा शोध घेत आहेत. तिच्यावर सासऱ्याची हत्या केल्याचा आरोप आहे. बबलीच्या सासूने तिच्या विरोधात तक्रार दाखल करून एफआयआर नोंदवला आहे. सासूने पोलिसांना सांगितले की, आधी बबलीने आपल्या पतीला मारले. साडेपाच वर्षे ती तुरुंगात होती. तिथे तिने नवीन प्रियकर बनवला. नंतर तुरुंगातून बाहेर आल्यावर तिने सासऱ्याचा जीव घेऊन आता पळ काढला आहे. पोलीस या दोन्ही फरार आरोपींचा शोध घेत आहेत.

हे प्रकरण बमरौली कटारा पोलीस ठाण्याच्या हद्दीतील महल बादशाही येथील आहे. बुधवारी रात्री येथे एका महिलेने प्रेमसंबंधात अडथळा बनलेल्या सासऱ्याची आपल्या प्रियकरासोबत मिळून हत्या केली. त्यानंतर सासऱ्याचा मृतदेह बाजरीच्या शेतात फेकून दिला. सासूच्या तक्रारीवरून पोलिसांनी सून आणि तिच्या प्रियकराविरोधात गुन्हा दाखल केला आहे.

पोलिसांनी सांगितले की, आरोपी महिला पतीच्या हत्येप्रकरणी साडेपाच वर्षे तुरुंगात होती. तिच्या नव्या प्रेमप्रकरणाची सुरुवातही तुरुंगातच झाली होती. नंतर बाहेर आल्यावर तिने सासऱ्याची हत्या केली. एत्मादपूर परिसरातील अगवार गावातील मुन्नी देवी यांनी बमरौली कटारा पोलीस ठाण्यात तक्रार दाखल केली आहे. त्यांनी सांगितले की, "माझी सून बबलीने तिचा प्रियकर प्रेम सिंहसोबत मिळून माझे पती राजवीर यांचा गळा दाबून खून केला. त्यानंतर त्यांचा मृतदेह बाजरीच्या शेतात फेकून दिला."

साडेपाच वर्षे होती तुरुंगात

मुन्नी देवी यांनी सांगितले की, सून बबली पती हरिओमच्या हत्येप्रकरणी साडेपाच वर्षे तुरुंगात होती. तुरुंगातच तिची ओळख प्रेम सिंहशी झाली. तिथे दोघांमध्ये प्रेमसंबंध जुळले. प्रेम सिंहनेच बबलीची जामिनावर सुटका केली. तुरुंगातून सुटल्यानंतर गेल्या एका वर्षापासून बबली महल बादशाही येथे प्रेम सिंहसोबत राहत होती. मुन्नी देवी यांनी सांगितले की, त्यांचे पती राजवीर बबलीच्या या वागणुकीला विरोध करत होते आणि प्रेम सिंहसोबत राहण्यावर आक्षेप घेत होते. यामुळे बबली आणि प्रेम सिंह यांनी त्यांना संपवण्याचा कट रचला.

बुधवारी रात्री केली हत्या

बबली सासरे राजवीर यांना आपल्यासोबत महल बादशाही येथे घेऊन गेली होती. बुधवारी रात्री दोघांनी राजवीर यांना बाजरीच्या शेतात नेऊन त्यांचा गळा दाबला, ज्यामुळे त्यांचा मृत्यू झाला. घटनेची माहिती मिळताच पोलीस घटनास्थळी पोहोचले. फॉरेन्सिक टीमनेही पुरावे गोळा केले. एसीपी अमरदीप यांनीही घटनास्थळाची पाहणी केली. बमरौली कटारा पोलीस स्टेशनचे प्रमुख हरीश शर्मा यांनी सांगितले की, मृताच्या पत्नीने आपली सून बबली आणि तिचा प्रियकर प्रेम सिंह यांच्या विरोधात गुन्हा दाखल केला आहे. पोलीस या दोघांचा शोध घेत आहेत.