राजा रघुवंशीच्या घरी गेला आरोपी सोनमचा भाऊ, म्हणाला- माझ्या बहिणीला फाशी द्या....

Raja Raghuwanshi Murder Case: सोनमच्या भावाने राजाच्या आईचे पाय पकडून माफी मागितली; बहिणीशी सर्व संबंधही तोडले.

Raja Raghuwanshi Murder Case: मध्य प्रदेशातील राजा रघुवंशी हत्याकांडाची सध्या देशभरात चर्चा सुरू आहे. पत्नी सोनमनेच प्रियकराच्या मदतीने पतीची निर्घृण हत्या करुन मृतदेह दरीत फेकल्याचे तपासात समोर आले आहे. दरम्यान, आपल्या बहिणीनेच पतीची हत्या केल्याचे समोर आल्यानंतर सोनमचा भाऊ गोविंद पश्चात्ताप करण्यासाठी आणि माफी मागण्यासाठी इंदूर येथील राजाच्या घरी पोहोचला. 

Indore, Madhya Pradesh: Govind Raghuvanshi, brother of Sonam Raghuvanshi, visits the home of deceased Raja Raghuvanshi pic.twitter.com/BbtP17sf6g

— IANS (@ians_india) June 11, 2025

याचा एक व्हिडिओ समोर आला आहे, ज्यात राजाच्या आईला पाहताच गोविंद ढसाढसा रडताना दिसतोय. तसेच, मी सोनमशी सर्व संबंध तोडले आहेत. राजा मला खूप प्रिय होता. या कुटुंबाने आपला मुलगा गमावला आहे, आता मी त्यांच्यासोबत आहे. माझ्या बहिणीचा या घटनेत हात आहे, त्यामुळे तिच्यासह सर्व आरोपींना फाशी झाली पाहिजे, अशी मागणी त्याने मीडियासमोर केली. 

#WATCH | Indore, MP: At the residence of Raja Raghuvanshi, Sonam Raghuvanshi's brother Govind says "According to the evidence found so far, I am 100% sure that she has committed this murder. All the accused in this case are related to Raj Kushwaha. We have broken our ties with… pic.twitter.com/9DCGQvNd0D

— ANI (@ANI) June 11, 2025

विपिन रघुवंशीचा खुलासा
मेघालय पोलिसांनी सोनम, राज कुशवाह आणि तीन कॉन्ट्रॅक्ट किलर आकाश राजपूत, विशाल उर्फ ​​विकी ठाकूर आणि आनंद कुर्मी यांना अटक केली आहे, परंतु गोविंदच्या भूमिकेबद्दल कोणतेही पुरावे सापडले नाहीत. दरम्यान, पीडित राजाचा भाऊ विपिन रघुवंशी याने दावा केला की, गोविंद मंगळवारीच इंदूरला आला होता, त्याला हत्येची कोणतीही माहिती नव्हती. विपिननेच गोविंदला माध्यमांसमोर आणले आणि त्याची बाजू ऐकून घेतली. 

#WATCH | Indore, MP: Raja Raghuvanshi murder case: Vipin Raghuvanshi, brother of Raja Raghuvanshi, says, "Govind (Sonam Raghuvanshi's brother) was in touch with me. He told me that he will be coming to my house and he wants to confess that his sister made a mistake. He wanted to… pic.twitter.com/FC1KDK22u9

— ANI (@ANI) June 11, 2025

आरोपी सोनमचा कबुलनामा
मेघालय पोलिसांनी राजा रघुवंशी हत्येच्या तपासात मोठा खुलासा केला. पोलिसांनी आरोपी सोनम आणि तिचा प्रियकर राज कुशवाह, दोघांना समोरासमोर आणून चौकशी केली. सर्व  सीसीटीव्ही फुटेज, रक्ताने माखलेले कपडे आणि अन्य पुरावे समोर ठेवले. पुराव्याच्या दबावामुळे सोनमने अखेर गुन्ह्याची कबुली दिली. राज कुशवाह आणि 3 सुपारी किलर्स आकाश राजपूत, विशाल ठाकूर, आनंद कुर्मी यांच्यासोबत मिळून राजाच्या हत्येचा कट रचल्याचे तिने सांगितले.