गर्भवती पत्नीला आत्महत्या करण्यास भाग पाडणाऱ्या पोलीस शिपायास अटक; आई-वडील आणि बहिणी विरुद्ध गुन्हा दाखल

By ऑनलाइन लोकमत | Updated: November 30, 2025 00:51 IST2025-11-30T00:51:31+5:302025-11-30T00:51:49+5:30

या प्रकरणी मीरारोड पोलिसांनी संबंधित पोलीस शिपायासह त्याचे आई - वडील व बहिणी विरुद्ध गुन्हा दाखल केला आहे.  पोलीस पतीला अटक केली असून त्याला ३० तारखे पर्यंत पोलीस कोठडी सुनावण्यात आली आहे. 

Police constable arrested for forcing pregnant wife to commit suicide; case registered against parents and sister | गर्भवती पत्नीला आत्महत्या करण्यास भाग पाडणाऱ्या पोलीस शिपायास अटक; आई-वडील आणि बहिणी विरुद्ध गुन्हा दाखल

गर्भवती पत्नीला आत्महत्या करण्यास भाग पाडणाऱ्या पोलीस शिपायास अटक; आई-वडील आणि बहिणी विरुद्ध गुन्हा दाखल

मीरारोड पोलीस ठाण्यात कार्यरत पोलीस नवऱ्याच्या आणि सासरच्या जाचाला कंटाळून नवविवाहित गर्भवती महिलेने गळफास घेऊन आत्महत्या केली. या प्रकरणी मीरारोड पोलिसांनी संबंधित पोलीस शिपायासह त्याचे आई - वडील व बहिणी विरुद्ध गुन्हा दाखल केला आहे.  पोलीस पतीला अटक केली असून त्याला ३० तारखे पर्यंत पोलीस कोठडी सुनावण्यात आली आहे. 

मीरा भाईंदर - वसई विरार पोलीस आयुक्तालयात २०२३ साली भरती झालेला मूळचा बुलढाण्याच्या अंढेरा गावचा प्रभू भगवान चाटे ( वय २७) रा. लक्ष्मी पार्क, मीरारोड हा पोलीस शिपाई मीरारोड पोलीस ठाण्यात कार्यरत होता. २९ एप्रिल २०२५ रोजी त्याचे लग्न पुण्याच्या कात्रज गावातील  स्वाती डोंगरे ( वय १९) हिच्याशी झाला होता. चाटे हा नेहमीच मद्यपान करून येत असल्याने त्यावरून वाद होऊन तिला मारहाण करत होता. 

चाटे ह्याने तत्याच्या भावाची पत्नी गरोदर असल्याने तिच्या मदतीसाठी स्वाती हिला  पुण्याला पाठवले होते. तिकडे चाटे ह्याची बहीण पुष्पा सुभाष सानप (वय ३०) , आई रंजना ( वय ५५) व वडील भगवान ( वय ६३) रा. घोटवडे फाटा, पुणे हे स्वाती हिच्यावर संशय घेऊन त्रास देत होते. २ नोव्हेम्बर रोजी  चाटे हा स्वातीसह मीरारोड  मध्ये राहू लागला.  स्वाती हि गर्भवती असल्याने चाटे हा दारू पिऊन तिच्यावर संशय घेऊन हे मूल माझे नसून डीएनए चाचणी कर असे सांगून मानसिक छळ करत होता. सदर छळा बद्दल  स्वाती हि तिच्या आईला वेळोवेळी सांगत असे. 

मात्र २७ नोव्हेम्बर रोजी गर्भवती असणाऱ्या स्वातीने घरात गळफास घेऊन आत्महत्या केली. वरील प्रमाणे स्वातीच्या आई दुर्गा डोंगरे यांच्या फिर्यादी वरून मीरारोड पोलिसांनी २८ नोव्हेम्बर रोजी प्रभू चाटे सह त्याचे आई - वडील व बहीण विरुद्ध गुन्हा दाखल करून चाटे ह्याला अटक केली. वरिष्ठ निरीक्षक मेघना बुरांडे यांच्या मार्गदर्शनाखाली पोलीस निरीक्षक सय्यद जिलानी तपास करत आहेत.

Web Title : गर्भवती पत्नी को आत्महत्या के लिए उकसाने पर पुलिसकर्मी गिरफ्तार; परिवार पर केस।

Web Summary : मीरा रोड में एक पुलिस कांस्टेबल को कथित तौर पर अपनी गर्भवती पत्नी को प्रताड़ना से आत्महत्या के लिए उकसाने के आरोप में गिरफ्तार किया गया। कांस्टेबल, उसके माता-पिता और बहन पर मामला दर्ज किया गया है। पीड़िता दहेज की मांग और बेवफाई के संदेह का सामना कर रही थी, जिससे उसकी दुखद मौत हो गई।

Web Title : Cop arrested for driving pregnant wife to suicide; family booked.

Web Summary : A Mira Road police constable was arrested for allegedly driving his pregnant wife to suicide due to harassment. The constable, his parents, and sister have been booked. The victim faced dowry demands and suspicion of infidelity, leading to her tragic death.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.