Raj Kushwaha : "माझा मुलगा २० वर्षांचा, पोलीस खोटं बोलताहेत"; सोनमचा बॉयफ्रेंड राज कुशवाहच्या आईचा दावा

Raj Kushwaha And Sonam Raghuvanshi : राजा रघुवंशी हत्या प्रकरणाचा मास्टरमाईंड सोनम रघुवंशीचा बॉयफ्रेंड राज कुशवाह याची आई आणि बहिण यांनी पोलिसांचे दावे फेटाळून लावले आहेत

मेघालयमधील राजा रघुवंशी हत्या प्रकरणाचा मास्टरमाईंड सोनम रघुवंशीचा बॉयफ्रेंड राज कुशवाह याची आई आणि बहिण यांनी पोलिसांचे दावे फेटाळून लावले आहेत आणि त्यांचा मुलगा आणि भाऊ निर्दोष असल्याचं म्हटलं आहे. मेघालय पोलिसांनी सोनम आणि राज कुशवाहसह पाच जणांना अटक केली आहे, परंतु राजच्या कुटुंबाने हा कट असल्याचं म्हटलं.

राज कुशवाहच्या आईने दिलेल्या माहितीनुसार, "माझा मुलगा आजारी होता, त्याला मुद्दाम फसवलं जात आहे. तो सोनमच्या भावाकडे काम करायचा, त्यामुळे त्याचं बोलणं व्हायचं, मात्र कोणतेही प्रेमसंबंध नव्हते. माझा मुलगा फक्त २० वर्षांचा आहे, तो दिवसभर कपड्यांच्या दुकानात काम करायचा आणि रात्री वर्तमानपत्र विक्रेत्याकडे जायचा. तो इतरांना मदत करायचा, तो हत्या करू शकत नाही. पोलीस खोटं बोलताहेत."

"राजा जवळ येतो, जे मला अजिबात आवडत नाही"; सोनमच्या चॅटमधून खळबळजनक खुलासा

नेपाळला पळून जाण्याचा होता सोनमचा प्लॅन?, कोणीही ओळखू नये म्हणून 'अशी' लढवली शक्कल

राजच्या बहिणीनेही सांगितलं की, "माझा भाऊ असा अजिबात नाही. परवा तो विशालच्या घरी जात असल्याचं सांगून निघून गेला. मी संध्याकाळी त्याच्याशी बोलले, पण त्यानंतर त्याने फोन केला नाही. काल (सोमवार) सकाळी, त्याच्यासोबत काम करणाऱ्या दुर्गेश भैय्याने मला फोन केला आणि राजशी बोलायचं असल्याचं सांगितलं. त्यानंतर गोविंद भैय्याने मला सांगितलं की, पोलिसांनी त्याला अटक केली आहे. मी कधीही सोनमला भेटले नाही आणि ती कधीही आमच्या घरी आली नाही. कोरोनामुळे पप्पांचा मृत्यू झाला तेव्हा राज दहावीत होता, तेव्हापासून त्याने शिक्षण सोडलं आणि कामाला सुरुवात केली."

५ वर्षांनी लहान असलेला सोनमचा बॉयफ्रेंड राजाच्या हत्येचा मास्टरमाईंड; अशी सुरू झाली लव्हस्टोरी

सोनम बेवफा! ११ मे ला लग्न, २० ला हनिमून, २३ ला हत्या; १७ दिवसांनी कोणाला केला पहिला फोन?

मेघालय पोलिसांच्या म्हणण्यानुसार, सोनमने तिचा बॉयफ्रेंड राज कुशवाहसोबत राजाला मारण्याचा कट रचला होता. सोनमच्या वडिलांच्या प्लायवूड कारखान्यात काम करणाऱ्या राजने आकाश राजपूत, विशाल सिंह चौहान आणि आनंद कुर्मी या तीन जणांना सुपारी दिली होती. २३ मे रोजी राजाची हत्या करण्यात आली आणि त्याचा मृतदेह धबधब्याजवळील दरीत फेकण्यात आला. २ जून रोजी मृतदेह सापडला आणि त्यानंतर सोनमला अटक करण्यात आली.