झोमॅटो बॉयने मॉडेलच्या नाकावर बुक्का मारल्याप्रकरणी जे काही सांगितले, पोलिसही चक्रावले...

Zomato Delivery boy: बंगळुरू पोलिसांनी अटक केलेल्या झोमॅटोचा डिलिव्हरी बॉय कामराजने पोलिसांना चौकशीमध्ये वेगळेच सांगितले आहे. जेव्हा मी पार्सल घेऊन या महिलेच्या घरी पोहोचलो तेव्हा थोडा उशिर झाला होता. मी त्यांची त्यासाठी माफी मागितली. रस्ता खराब आणि वाहतूक कोंडीमुळे पोहोचण्यास उशिर झाला, असे सांगितले.

बंगळुरू : झोमॅटोवरून (Zomato) मागविलेले जेवण उशिराने आल्याने एका मॉडेलने (Model hitesha chandranee) ते रद्द केले म्हणून चिडून डिलिव्हरी बॉयने (Zomato Delivery boy hit on nose) तिच्या नाकावर बुक्का मारल्याची घटना घडली होती. या प्रकरणी झोमॅटोच्या डिलिव्हरी बॉयला अटक करण्यात आली असून त्याने तिथे काय घडले हे सांगितल्याने खळबळ उडाली आहे. (Model hitesha chandranee attacked on Zomato Delivery boy)

बंगळुरू पोलिसांनी अटक केलेल्या झोमॅटोचा डिलिव्हरी बॉय कामराजने पोलिसांना चौकशीमध्ये वेगळेच सांगितले आहे. मॉडेल असलेल्या हितेशा चंद्राणीला कामराजने बुक्का मारला नाही, उलट कामराज येताच हितेशानेच त्याच्यावर हल्ला केला. त्याला मारहाण करण्यास सुरुवात केली. कामराजला त्यांनी चपलेने मारण्यास सुरुवात केली. याचवेळी तिने तिच्यानाकावर मारून घेतले. तिच्या हातातील अंगठीमुळे नाकावर जखम झाली आणि रक्त येऊ लागले. याचा आळ तिने आपल्यावर घालत आपणच हल्ला केल्याचे आरोप केल्याचे कामराजने पोलिसांना सांगितले आहे. 

जेव्हा मी पार्सल घेऊन या महिलेच्या घरी पोहोचलो तेव्हा थोडा उशिर झाला होता. मी त्यांची त्यासाठी माफी मागितली. रस्ता खराब आणि वाहतूक कोंडीमुळे पोहोचण्यास उशिर झाला, असे सांगितले. मी दोन वर्षांपासून काम करत आहे, अशा प्रकरच्या घटनेला पहिल्यांदाच तोंड देत आहे, असे कामराज म्हणाला. 
हितेशाने जेवण ताब्यात घेतले परंतू तिने पैसे देण्यास नकार दिला. ती म्हणाली की ती झोमॅटो कस्टमर सपोर्टशी बोलत आहे. हितेशाने यानंतर त्याला अश्लिल शिव्या दिल्या व जोरजोरात ओरडायला लागली. तर झॉमॅटो सपोर्टने कामराजला ऑर्डर कॅन्सल केल्याचे सांगितले. यामुळे कामराजने तिला जेवण परत करण्यास सांगितले. जेव्हा तिने ते मागे देण्यास नकार दिला तेव्हा तिथून कामराज निघून जात होता. 

यानंतरही ती त्याला शिव्या देत होती. अचानक तिने त्याच्यावर चप्पल उगारली आणि मारायला सुरुवात केली. मी तिला रोखण्यासाठी हात पुढे केला. यावेळी तिने चुकून तिचाच हात नाकावर मारला. मी फक्त तिचा वार रोखण्यासाठी हात पुढे केला होता. तिच्या बोटातील अंगठी तिच्या नाकावर लागली. तिचा व्हिडीओ पाहिल्यास त्यामध्ये स्पष्ट दिसेल असेही त्याने पोलिसांना सांगितले.  तिच्या नाकावर जखम झाली ती अंगठीमुळे झालीय, ठोसा लगावल्यामुळे नाही, असे तो म्हणाला. 

View this post on Instagram

A post shared by HITESHA | Beauty Influencer (@hiteshachandranee)

काय आहे प्रकरण?
ऑर्डर केलेलं जेवण तरूणीपर्यंत पोहोचवण्यासाठी फूड डिलिव्हरी बॉयला उशीर झाला. यानंतर त्या तरूणीनं ती ऑर्डर कॅन्सल केली. त्यानंतरही थोड्या वेळानं तो डिलिव्हरी बॉय जेवण घेऊन त्या तरूणीच्या घरी पोहोचला. परंतु तरूणीनं ते जेवण घेण्यास नकार दिला तेव्हा त्या डिलिव्हरी बॉयला राग अनावर झाला आणि त्यानं त्या तरूणीच्या नाकावर बुक्का मारला. त्यानंतर तिच्या नाकातून रक्तही वाहू लागल्याचा दावा तरूणीनं केला आहे. त्यानंतर तिनं याचा व्हिडीओ बनवून लोकांना याबाबत माहिती दिली. हा व्हिडीओही मोठ्या प्रमाणात व्हायरल झाला.