सप्टेंबरमध्ये भेट, फेब्रुवारीमध्ये धक्कादायक घटना; लिव्ह-इन पार्टनरचा क्रूरतेचा कळस

गुरुग्राममधून एक धक्कादायक घटना समोर आली आहे. एका ऑनलाइन अॅपद्वारे सुरू झालेल्या मैत्रीचे रूपांतर लिव्ह-इन रिलेशनशिपमध्ये झाले आणि नंतर संशयाचे रूपांतर हिंसक झाले. त्रिपुरातील एका १९ वर्षीय बायोटेक विद्यार्थिनीची हत्या झाली.

हरयाणामधील गुरुग्राम येथून एक धक्कादायक घटना समोर आली आहे. येथील एका 'पेईंग गेस्ट'मध्ये तरुणीला तिच्याच बॉयफ्रेंडने अमानुषपणे मारहाण केल्याचे समोर आले. या तरुणीने वेळीच आपल्या आईला बंगाली भाषेत सर्व घटना सांगितली यामुळे तिचा जीव वाचला.  या प्रकरणी आता  पोलिसांनी तरुणाला ताब्यात घेतले आहे. 

मिळालेल्या माहितीनुसार, हे  प्रकरण सप्टेंबर २०२५ मध्ये ऑनलाइन चॅटिंगच्या माध्यमातून सुरू झाले. एका डेटिंग अॅपवर झालेली ती साधी 'हाय-हॅलो' हळूहळू तासनतास चालणाऱ्या गप्पांमध्ये आणि रात्री उशिरापर्यंत रंगणाऱ्या कॉल्समध्ये बदलली. त्रिपुरा राज्यातील १९ वर्षीय विद्यार्थिनी गुरुग्राममधील एका नामांकित विद्यापीठात 'बायोटेक्नॉलॉजी'चे शिक्षण घेत होती. तिची मैत्री दिल्लीतील नरेला येथे राहणाऱ्या एका १९ वर्षांच्या तरुणाशी झाली.

बांगलादेश लष्करात मोठी खांदेपालट! भारतात तैनात असलेल्या अधिकाऱ्याला बोलवून दिली महत्वाची जबाबदारी...

पुढे त्यांच्या मैत्रीचे रूपांतर प्रेमात झाले. त्यानंतर त्यांनी सेक्टर ६९ मधील एका पीजीमध्ये 'लिव्ह-इन रिलेशनशिप'मध्ये एकत्र राहण्याचा निर्णय घेतला. पण त्यांच्या घरच्यांना या गोष्टी कळाल्यानंतर त्यांनी लग्नाची बोलणीही सुरू केली होती. वरवर सर्व काही सुरळीत दिसत असले, तरी त्यांच्या नात्यात 'संशयाची' एक विषवल्ली फोफावत होती, याचा शेवट धक्कादायक घटनेने झाला.

पोलिसांनी दिलेल्या माहितीनुसार, आरोपीला त्याच्या प्रेयसीच्या चारित्र्यावर संशय येऊ लागला होता. किरकोळ प्रश्न, तिचा फोन तपासणे आणि तिच्या मित्रांवरुन बोलणे यामुळे संबंध ताणले होते. १९ फेब्रुवारीच्या रात्री वाद झाला, या वादात मारहाणही झाली. तरुणीला तीन दिवस एका खोलीत कोंडून ठेवण्यात आल्याचा आरोप तरुणीच्या आईने केला. गैरवर्तन आणि कथितपणे अमानुष वागणूक देण्यात आली. 

तीन दिवस खोलीत डांबून छळ

पीडितेच्या आईने लावलेले आरोप ऐकून पोलिसांनाही धक्का बसला. पीडितेच्या आईच्या म्हणण्यानुसार, तिला सलग तीन दिवस एका खोलीत कोंडून ठेवण्यात आले होते. या काळात तिला केवळ बेदम मारहाणच केली नाही, तर तिच्यावर अमानुष अत्याचार करण्यात आले. आरोपीने पीडितेचे खाजगी भाग सॅनिटायझरने जाळणे, तिचे विवस्त्र व्हिडीओ बनवणे, तिला मूत्र पिण्यास भाग पाडणे आणि चाकूने वार करणे असे अत्यंत क्रूर कृत्य केल्याचा गंभीर आरोप तक्रारीत करण्यात आला आहे.

तरुणीने बंगाली भाषेत आईला सांगितले

आईने दिलेल्या माहितीनुसार, १८ फेब्रुवारी रोजी रात्री १० वाजता तिचा फोन वाजला. दुसऱ्या बाजूला तिची मुलगी होती. "आई, आता वेळ नाहीये. तो मला मारून टाकेल..." मुलगी बंगाली भाषेत बोलली, तिचा आवाज थरथरत होता. आई, जी स्वतः एक पोलिस अधिकारी आहे, तिला परिस्थिती असामान्य असल्याचे जाणवले. मुलीने स्पष्ट केले की तिला गेल्या तीन दिवसांपासून मारहाण होत होती. आरोपीला बंगाली भाषा येत नव्हती म्हणून तिने तिच्या आईला तिच्या अत्याचाराबद्दल आणि हल्ल्याबद्दल त्याच भाषेत सांगितले. यानंतर लगेच आईने गुरुग्राम पोलिसांना संपर्क साधला.

बादशाहपूर पोलिसांची टीम ताबडतोब सेक्टर ६९ मधील ग्रेट पीजी येथे पोहोचली. खोलीचा दरवाजा उघडताच त्यांना जखमी मुलगी आत आढळली, तिच्या शरीरावर जखमा होत्या. घटनास्थळी आरोपीला ताब्यात घेण्यात आले. मुलीला सुरुवातीला गुरुग्राममधील सरकारी रुग्णालयात दाखल केले. तिथे तिची प्रकृती गंभीर असल्याने तिला दिल्लीतील एम्समध्ये रेफर करण्यात आले. नंतर तिला सफदरजंग रुग्णालयात हलवण्यात आले. डॉक्टरांनी सांगितले की तिच्या शरीरावर अनेक जखमा आहेत. तिची प्रकृती आता स्थिर आहे. दक्षिण गुरुग्रामचे डीसीपी हितेश यादव यांनी सांगितले की, एफआयआर दाखल करण्यात आला आहे आणि आरोपीला अटक करण्यात आली आहे. बलात्कार आणि हल्ल्याचे आरोप आहेत. इलेक्ट्रॉनिक उपकरणे जप्त करण्यात आली आहेत. चॅट ​​रेकॉर्ड, कॉल डिटेल्स आणि व्हिडिओची फॉरेन्सिक तपासणी सुरू आहे.