माणुसकीला काळीमा! चालत्या कारमध्ये तब्बल 12 जणांनी महिलेवर केला सामूहिक बलात्कार; Video व्हायरल
By ऑनलाइन लोकमत | Published: March 9, 2021 01:58 PM2021-03-09T13:58:57+5:302021-03-09T14:02:55+5:30
Crime News : चालत्या कारमध्ये एका महिलेवर बलात्कार केल्याचा व्हिडीओ सोशल मीडियावर जोरदार व्हायरल झाला आहे.
माणुसकीला काळीमा! चालत्या कारमध्ये तब्बल 12 जणांनी महिलेवर केला सामूहिक बलात्कार; Video व्हायरल
Next नवी दिल्ली - देशात अनेक धक्कादायक घटना समोर येत आहेत. अशातच माणुसकीला काळीमा फासणारी एक घटना समोर आली आहे. चालत्या कारमध्ये तब्बल 12 जणांनी महिलेवर सामूहिक बलात्कार केल्याची भयंकर घटना घडली आहे. मिळालेल्या माहितीनुसार, चालत्या कारमध्ये एका महिलेवर बलात्कार केल्याचा व्हिडीओ सोशल मीडियावर जोरदार व्हायरल झाला आहे. या घटनेचं गांभीर्य लक्षात घेत पोलिसांनी पीडितेला बोलावून घेत तक्रार दाखल करुन घेतली आणि याप्रकरणी तीन आरोपींना अटक केली. ही घटना 6 महिन्यांपूर्वीची असल्याचं सांगितलं जात असून वेगवेगळ्या तीन कारमध्ये महिलेवर लैंगिक अत्याचार आणि मारहाण करण्यात आली आहे.
उत्तर प्रदेशमध्ये चालत्या कारमध्ये महिलेवर सामूहिक बलात्कार केल्याचा एक व्हिडीओ समोर आला आहे. या व्हिडीओबद्दल जेव्हा जयपूर पोलिसांना माहिती मिळाली तेव्हा त्यांनी याचा अधिक तपास सुरू केला. व्हिडीओमध्ये महिलेसोबत सामूहिक बलात्कार होत असल्याचं स्पष्ट झालं. पोलिसांना व्हिडीओमधील आवाज हा जयपूरमधील लोकांसोबत मिळताजुळता वाटला. यानंतर पोलिसांनी घटनेचं गांभीर्य लक्षात घेत सीएसटी तसंच शरहातील 4 जिल्ह्यांमधील पोलिसांना तपासासाठी आणि व्हिडीओमध्ये दिसणाऱ्या लोकांची ओळख पटवण्याचं काम दिलं. यातील पीडिता ही उत्तर प्रदेशमधील असल्याचं स्पष्ट झालं, यानंतर पोलिसांनी महिलेला जयपूरमध्ये बोलावून मानसरोवर ठाण्यात तक्रार दाखल करुन घेतली आहे.
माणुसकीला काळीमा! पीडित तरुणीने सांगितला धक्कादायक प्रकार; घटनेने खळबळhttps://t.co/VDU76KVBE7#crimesnews#crime#Rape#Police
— Lokmat (@MiLOKMAT) March 6, 2021
पीडितेनं तक्रार दाखल करताना दिलेल्या माहितीनुसार, 19 ऑक्टोबर 2020 रोजी ती न्यू सांगानेर रोडजवळील साई कृपा हॉटेलमध्ये थांबली होती. यादरम्यान महिलाच्या ओळखीच्या संजू बंगाली नावाच्या व्यक्तीने तिला पैशाचं आमिष देत एका मुलासोबत पाठवलं. या मुलाने महिलेला एका कारमध्ये बसवलं. यात आधीपासून इतर चारजण होते. कारमधील व्यक्तींनी महिलेचा मोबाईल काढून घेतला आणि तिच्यावर बलात्कार केला. या घटनेदरम्यान कारमधील अन्य दोघांनी महिलेचा व्हिडीओ बनवला. दरम्यान अन्य 2 कारही तिथे आल्या आणि दुसऱ्या कारमध्ये घेऊन जात महिलेवर अत्याचार केला. घटनेत तब्बल 12 लोक सहभागी असल्याचं म्हटलं आहे.
भयंकर! धक्कादायक घटनेने परिसरात खळबळ; तीन जणांना अटकhttps://t.co/bOMRSRNhS3#Crime#CrimeNews#Police
— Lokmat (@MiLOKMAT) March 4, 2021
पीडितेने ती गुलाब आणि अभिषेक नावाच्या व्यक्तीला ओळखते. गुलाबनं पीडितेला धमकी दिली होती, की याबद्दल कोणालाही सांगितलं, तर तुझा व्हिडीओ व्हायरल करेल. याच कारणामुळे सहा महिने होऊन गेले तरीही पीडितेनं याप्रकरणाची तक्रार केली नसल्याचं म्हटलं आहे. या प्रकरणात चार डीसीपींसह सुमारे 10 आयपीएस आणि 40 सीआयची टीम तयार करण्यात आल्याची माहिती अतिरिक्त पोलिस आयुक्त अजयपाल लांबाने यांनी दिली. या पथकात पीडित आणि आरोपींचा सुमारे 100 पोलीस शोध घेत होते. मिळालेल्या माहितीनुसार, ही गँग अश्लील व्हिडीओ बनवून ब्लॅकमेल करण्याचं काम करते. पोलीस सध्या इतर आरोपींचा शोध घेत आहेत. एका हिंदी वेबसाईटने याबाबतचे वृत्त दिले आहे.
धक्कादायक! शेतकरी आंदोलनाला गालबोट लावण्याचा प्रयत्न?, कारमधून आलेल्या अज्ञातांनी केला गोळीबारhttps://t.co/ercJ2fOsbK#FarmersProtests#FarmersProtest100Days#Firing#Police#crimenews
— Lokmat (@MiLOKMAT) March 8, 2021