गोरखपूरमध्ये एका वाढदिवसाच्या पार्टीतून सुरू झालेला वाद आता एका खळबळजनक गुन्हेगारी घटनेत बदलला आहे. ज्या तरुणीवर गोळीबार आणि खंडणीचा आरोप आहे, ती सध्या जेलमध्ये आहे. पोलिसांच्या प्राथमिक तपासात असे काही खुलासे समोर आले आहेत, ज्यांनी संपूर्ण शहर हादरलं आहे. पोलिसांनी दिलेल्या माहितीनुसार, आरोपी तरुणी अंशिका सिंह सध्या न्यायालयीन कोठडीत असून तिच्याविरुद्ध नोंदवलेल्या गुन्ह्याचा तपास सुरू आहे.
मिळालेल्या माहितीनुसार, २० जानेवारी रोजी अंशिका आपल्या मित्रांसोबत वाढदिवस साजरा करत होती. याच दरम्यान एका खासगी रुग्णालयाच्या मॅनेजरसोबत तिचा वाद झाला. अंशिकाने पिस्तूल काढून त्याला घाबरवण्याचा प्रयत्न केल्याचा आरोप आहे. या झटापटीत मॅनेजरच्या मित्राच्या पोटात गोळी लागली. त्याला गंभीर अवस्थेत एम्स (AIIMS) रुग्णालयात दाखल करण्यात आलं असून त्याच्यावर उपचार सुरू आहेत.
घटनेनंतर घटनास्थळी उपस्थित असलेल्या गर्दीने अंशिका आणि तिच्या साथीदारांना पकडून पोलिसांच्या हवाली केले. अटकेनंतर पोलिसांनी जेव्हा अंशिकाचा मोबाईल आणि डिजिटल रेकॉर्ड तपासला, तेव्हा अनेक धक्कादायक तथ्ये समोर आली. पोलीस सूत्रांनी दिलेल्या माहितीनुसार, मोबाईलमध्ये असे काही व्हिडिओ आणि कॉल रेकॉर्ड आढळले आहेत, ज्यावरून ती व्हिडीओ कॉलच्या माध्यमातून लोकांना ब्लॅकमेल करण्याचा प्रयत्न करत असल्याचे संकेत मिळतात. मात्र, याप्रकरणी अद्याप कोणत्याही व्यक्तीने लेखी तक्रार नोंदवलेली नाही.
द्विवेदी चाईल्ड केअर हॉस्पिटलचे मॅनेजर विशाल मिश्रा यांनी तक्रार दिली आहे. त्यांच्या आरोपानुसार, अंशिका आणि तिचा साथीदार बंटी वर्मा यांनी त्यांना पिस्तूल दाखवून आधी १२ हजार रुपये आणि नंतर ५० हजार रुपयांची मागणी केली होती. पैसे न दिल्यास खोट्या गुन्ह्यात अडकवण्याची धमकीही देण्यात आली होती. अंशिकाचं नाव यापूर्वी वाहन चोरी आणि बनावट नंबर प्लेट प्रकरणातही समोर आलं आहे.
तपासात असंही निष्पन्न झालं आहे की, दिल्लीतून भाड्याने घेतलेली गाडी परत न करणं आणि त्यावर वेगवेगळ्या राज्यांच्या नंबर प्लेट लावून ती वापरल्याचा आरोपही तिच्यावर आहे. पोलीस आता मोबाईल डेटा, कॉल डिटेल्स, आर्थिक व्यवहार आणि सोशल मीडिया हालचालींच्या आधारे संपूर्ण नेटवर्कचा तपास करत आहेत. पुढील कारवाई लोकांच्या तक्रारी आणि डिजिटल पुराव्यांवर अवलंबून असेल, असं अधिकाऱ्यांनी म्हटलं आहे.
Web Summary : A birthday party shooting in Gorakhpur led to the arrest of Anshika Singh. Investigations revealed blackmailing via video calls and extortion attempts. She's also accused of vehicle theft and using fake number plates. Police are investigating her network based on digital evidence.
Web Summary : गोरखपुर में जन्मदिन पार्टी में गोलीबारी के बाद अंशिका सिंह गिरफ्तार। जांच में वीडियो कॉल से ब्लैकमेलिंग और उगाही के प्रयास का खुलासा। उस पर वाहन चोरी और फर्जी नंबर प्लेट का भी आरोप है। पुलिस डिजिटल सबूतों के आधार पर उसके नेटवर्क की जांच कर रही है।