'जेट एअरवेज'च्या गोयल यांच्या घरावर ईडीची छापेमारी

बुधवारी सकाळी ४ ईडीने नरेश गोयल यांना समन्स पाठवले होते.

ठळक मुद्देआज पहाटे ४ वाजेपर्यंत ही ईडीने कारवाई केली.नरेश गोयल यांच्या मुंबईतल्या घरावर ईडीने छापा टाकला.

मुंबई - मनी लाँड्रिंग प्रकरणातील कथित प्रकरणी जेट एअरवेजचे माजी मुख्य कार्यकारी अधिकारी नरेश गोयल यांच्या मुंबईतील पेडर रोड येथील निवासस्थानी अंमलबजावणी संचालनालयाने (ईडी) छापेमारी केली आहे. नरेश गोयल यांच्या मुंबईतल्या घरावर ईडीने छापा टाकला. आर्थिक गैरव्यवहारप्रकरणी हा छापा टाकण्यात आला आहे. त्याआधी बुधवारी सकाळी ४ ईडीने नरेश गोयल यांना समन्स पाठवले होते. कर वाचवण्यासाठी नरेश गोयल यांनी देशातील आणि पदेशातील कंपन्यांमध्ये देवाण-घेवाण केली होती. तसेच पैसा देशाबाहेर पाठवल्याचा आरोप आहे. आज पहाटे ४ वाजेपर्यंत ही ईडीने कारवाई केली. नरेश गोयल यांचा जबाब देखील नोंदविण्यात आला आहे. 

 

‘जेट एअरवेज’च्या गोयल दाम्पत्याविरुद्ध गुन्हा दाखल

जेट एअरवेज कंपनी आर्थिक डबघाईस आली असतानाही खोटी माहिती व आमिष दाखवून एका व्यावसायिकाची ४६ कोटीची फसवणूक केल्याप्रकरणी कंपनीचे मुख्य कार्यकारी संचालक नरेश गोयल व त्यांची पत्नी अनिता नरेश गोयल यांच्याविरुद्ध एम.आर.ए.मार्ग पोलीस ठाण्यात अलीकडेच गुन्हा दाखल झाला आहे. दक्षिण मुंबईतील क्रॉफर्ड मार्केट भागात कार्यालय असलेल्या अकबर ट्रॅव्हल्स ऑफ इंडिया प्रायव्हेट लिमिटेडचे मुख्य वित्त अधिकारी राजेंद्रन नेरुपरंबिल यांनी तक्रार दिली होती. दरम्यान, छापा टाकण्यापूर्वी, फेमा अंतर्गत अंमलबजावणी संचालनालयाने जेट अधिकाऱ्यांच्या जागेसह दिल्ली आणि मुंबईतील १२ ठिकाणी शोध घेतला. यात जेट अधिकाऱ्यांच्या ठिकाणांचा समावेश होता.

जेट एअरवेजचे संस्थापक नरेश गोयल यांच्या दिल्ली, मुंबईतील घरांवर ईडीचे छापे