Sonam Raghuvanshi : बनावट मृतदेह, संजय वर्मा...; राजा रघुवंशीच्या हत्येसाठी सोनम आणि राजचं खतरनाक प्लॅनिंग

Raja Raghuvanshi And Sonam Raghuvanshi : सोनम आणि राजची धूर्तता पाहून पोलीसही हैराण झाले आहेत. दोघांनीही राजा रघुवंशीला मारण्यापासून ते स्वतःला वाचवण्यापर्यंत सर्व काही खतरनाक पद्धतीने प्लॅन केलं होतं.

सोनम आणि राजची धूर्तता पाहून पोलीसही हैराण झाले आहेत. दोघांनीही राजा रघुवंशीला मारण्यापासून ते स्वतःला वाचवण्यापर्यंत सर्व काही खतरनाक पद्धतीने प्लॅन केलं होतं. शिलाँगमधून बुरखा घालून पळून जाण्याचा प्लॅन असो किंवा दुसऱ्या मुलीला मारून ती सोनम असल्याचं सिद्ध करण्याचा कट असो, प्रत्येक पावलावर दोघांनी नवीन शक्कल लढवली होती. सोनमने ज्या संजय वर्माला कॉल केले होते तो दुसरा तिसरा कोणी नसून राज कुशवाहचं असल्याचं समोर आलं आहे. 

सोनम आणि राजाच्या साखरपुड्याचे आणि लग्नाचे अनेक व्हिडीओ सोशल मीडियावर व्हायरल होत आहेत. यामध्ये सोनम हसताना दिसत आहे. शिलाँग पोलिसांनी केलेल्या तपासात अनेक धक्कादायक खुलासे झाले. सोनम तिच्या लग्नाच्या तीन महिने आधी संजय वर्मा नावाच्या व्यक्तीशी तासन्तास फोनवर बोलत असे. १ मार्च ते २५ मार्च दरम्यान सोनम संजयशी ११२ पेक्षा जास्त वेळा बोलली होती. पण जेव्हा पोलिसांनी तो नंबर ट्रॅक केला तेव्हा त्यांना धक्का बसला. कारण फोन वापरणारा व्यक्ती संजय नव्हता तर सोनमचा बॉयफ्रेंड राज कुशवाह होता. आता पोलीस हा नंबर कोणाच्या आधार कार्डवरून घेतला होता याचा तपास करत आहेत. 

"आम्ही कोणतंही पाप केलेलं नाही..."; नार्को टेस्टच्या मागणीवर सोनम रघुवंशीचा भाऊ संतापला

"सोनम रघुवंशीने आपल्या आजारी वडिलांच्या आरोग्यासाठी माझ्या भावाचा बळी दिला"

शिलाँगचे पोलीस अधीक्षक विवेक सीएम यांनी दिलेल्या माहितीनुसार, राजाची हत्या अचानक झाली नव्हती. ती अंमलात आणण्याचे किमान तीन अयशस्वी प्रयत्न झाले. प्रथम गुवाहाटी, नंतर नोंगरियाट आणि नंतर वेसाडोंग फॉल्सजवळ हत्येचा प्लॅन करण्यात आला होता. अखेर २३ मे रोजी मेघालयातील सोहरा येथे राजचे मित्र विशाल, आकाश आणि आनंद यांनी राजची हत्या केली. 

चक्की चालवणारे सोनमचे बाबा कसे झाले करोडपती? कमाई एवढी की नातेवाईकांच्या नावावर खाती

बनावट मृतदेह दाखवून पळण्याचं प्लॅनिंग

मेघालयातील राजा रघुवंशी हत्याकांडाच्या तपासात सोनम रघुवंशीने दुसऱ्या महिलेला मारण्याचा आणि तिचा मृतदेह स्वतःचा असल्याचं भासवण्याचा देखील प्लॅन केला होता पण ती यशस्वी झाली नाही. राजाच्या हत्येनंतर सोनमने बुरखा घातला आणि शिलाँगहून फरार झाली. ती शिलाँगहून आसामला, तेथून पश्चिम बंगाल, बिहार आणि उत्तर प्रदेशातील अनेक शहरांमधून गेली आणि शेवटी इंदूरला परतली. येथे राजने एक फ्लॅट भाड्याने घेतला होता. ती येथे अनेक दिवस राहिली.