काँग्रेसच्या संकटमोचकावर 'संकट'; शिवकुमार यांना ईडीने केली अटक

आज त्यांना अटक करण्यात आली आहे. 

ठळक मुद्देसक्तवसुली संचालनालयाने (ईडी) समन्स जारी केले असून चौकशीसाठी बोलविले होते. ही समन्स रद्द करण्यासाठी डी. के. शिवकुमार यांनी  उच्च न्यायालयात धाव घेतली होती.

बेंगळुरु : कर्नाटककाँग्रेसचे 'संकटमोचक' अशी ओळख असलेले डी. के. शिवकुमार यांच्यावरच संकट ओढावले आहे. सक्तवसुली संचालनालयाने (ईडी) समन्स जारी केले असून चौकशीसाठी बोलविले होते. आज त्यांना अटक करण्यात आली आहे. 
डी. के. शिवकुमार यांना 2018 मध्ये ईडीकडून नोटीस बजावण्यात आली होती. त्यानंतर डी. के. शिवकुमार यांनी ईडीने काढलेली नोटीस रद्द करण्यात यावी, यासाठी उच्च न्यायालयायात धाव घेत अर्ज दाखल होता. मात्र, न्यायालयाने त्यांचा अर्ज फेटाळून लावला आहे. त्यामुळे त्यांना आज ईडीसमोर हजर राहावे लागणार आहे. दरम्यान, याविषयी बोलताना डी. के. शिवकुमार यांनी मागील दोन वर्षात माझ्या आईच्या नावे असणारी संपत्ती वेगवेगळ्या तपास यंत्रणांनी बेनामी असल्याचे सांगत जप्त केल्याचा आरोप केला आहे.

DK Shivakumar, Congress: From the past two years, entire property of my 84-year-old mother has been attached by various investigation authorities as benami property & I am the benami there. Our entire blood has already been sucked. https://t.co/4Ad4atOpzA

— ANI (@ANI) August 30, 2019

दरम्यान, आज ईडीने शिवकुमार यांना अटक केली आहे. ईडीच्या कचाट्यात सापड़लेले पी चिदंबरम यांच्यानंतर शिवकुमार दुसरे मोठे नेते आहेत. शिवकुमार यांनीच कर्नाटक सत्तांतरावेळी नाराज आमदारांचे मन वळविण्याचा प्रयत्न केला होता. मात्र, त्यांना मुंबईतून माघारी परतावे लागले होते. 

Congress leader DK Shivakumar arrested by Enforcement Directorate (ED) under Prevention of Money Laundering Act (PMLA). pic.twitter.com/aYzYAmhGcQ

— ANI (@ANI) September 3, 2019

2017 मध्ये डी. के शिवकुमार यांच्या निकटवर्तीयांच्या दिल्लीतील निवासस्थानांवर प्राप्तिकर विभागाने छापे टाकले होते. या छाप्यात 8 कोटी 59 लाखांची बेकायदा रक्कम आढळून आली होती. याप्रकरणातील चौकशीदरम्यान डी. के शिवकुमार यांनी खोटी माहिती दिली, असा आरोप करून ईडीने त्यांच्याविरुद्ध आर्थिक गुन्हे न्यायालयात तक्रार दाखल केली होती. याचबरोबर, डी. के शिवकुमार यांनी हलावा एजंटमार्फत कोट्यवधी रुपये बदलून घेतल्याचा आरोप आहे. त्यामुळे त्यांना ईडीच्या अधिकाऱ्यांनी समन्स बजावले होते. ही समन्स रद्द करण्यासाठी डी. के. शिवकुमार यांनी  उच्च न्यायालयात धाव घेतली होती.

Delhi: Supporters of Congress leader DK Shivakumar gather outside the Enforcement Directorate (ED) office. He has been arrested by the agency, under Prevention of Money Laundering Act (PMLA). pic.twitter.com/78k8ZyhrqH

— ANI (@ANI) September 3, 2019

मी भाजपमधील हितचिंतकांचे अभिनंदन करतो. त्यांचे मला अटक करण्याचे मनसुबे सफल झाले. आयकर विभाग आणि ईडीची प्रकरणे माझ्याविरोधात राजकीय हेतूने रचली गेली. मी भाजपाच्या सूडाच्या राजकारणाचा बळी ठरलो, असे ट्विट शिवकुमार यांनी अटकेच्या आधी केले आहे. 

Congress leader DK Shivakumar tweets 'I congratulate my BJP friends for finally being successful in their mission of arresting me. The IT & ED cases against me are politically motivated&I'm a victim of BJP's politics of vengeance & vendetta.' He has been arrested by ED under PMLA pic.twitter.com/FFBl4XxeJc

— ANI (@ANI) September 3, 2019