ऑस्ट्रेलियात व्हिसाचे नियम बदलल्याने एका तरूणीला मोठ्या समस्येचा सामना करावा लागला आहे. पीडित ऑस्ट्रेलियात वर्क व्हिसासाठी विक्टोरियाच्या एका हॉस्टेलमध्ये राहत होती. येथील हॉस्टेलच्या बॉसने तिला त्याच्यासोबत आणि त्याच्या गर्लफ्रेन्डसोबत शरीरसंबंध ठेवण्यास सांगितले. त्याने तिला अशीही धमकी दिली की, जर तिने तसं केलं नाही तर तो तिचा रेप करेल.
मिररमध्ये प्रकाशित रिपोर्टनुसार तरूणीने सांगितले की, ऑस्ट्रेलियात दुसऱ्या वर्षाचा व्हिसा मिळवण्यासाठी तिला तिथे ८८ दिवस थांबायचे होते. त्यामुळे ती हॉस्टेलमध्ये राहत होती. पण आर्थिक अडचणीमुळे ती हॉस्टेलचं भाडं देऊ शकली नाही. अशात हॉस्टेलच्या बॉसने तिला एक दिवस ऑफिसमध्ये बोलवलं.
तरूणीने सांगितले की, तिला त्यावेळी कोणत्याही परिस्थितीत ऑस्ट्रेलियाचा वर्क व्हिसा मिळवायचा होता. पण तिला हॉस्टेलच्या बॉसकडून अपेक्षा नव्हती. ती हॉस्टेलचं भाडं न दिल्याने आरोपीच्या जाळ्यात अडकली. पीडितेने एबीसी न्यूजला सांगितले की, आरोपीने आपल्या ऑफिसमध्ये बोलवून तिच्यासमोर एक डील ठेवली. तो तिला म्हणाला की, तुला माझ्यासोबत आणि माझ्या गर्लफ्रेन्डसोबत शरीरसंबंध ठेवावा लागेल. नाही तर मी तुझा रेप करेन. (हे पण वाचा : लग्नाचा भूलथापा देऊन पोलीस अधिकाऱ्याने महिला अधिकाऱ्याचे केले लैंगिक शोषण)
आरोपी तरूणीला पुढे म्हणाला की, 'मी उद्या तुला घ्यायला येईल. ते तुला आवडो अथवा न आवडो. माझ्याकडे लोक आहेत. जे तुला कुठेही पकडतील. तू हे थांबवू शकत नाही.
तरूणी म्हणाली की, यानंतर ती लगेच आरोपीच्या ऑफिसमधून बाहेर पडली आणि ट्रेन पकडण्यासाठी स्टेशनकडे गेली. कारण तिला माहीत नव्हतं की, तो तिच्यासोबत काय करेल. ती फार घाबरलेली होती. तिने हा प्रकार ड्रायव्हरला सांगितला. त्यानंतर तो तिची मदत करण्यासाठी तयार झाला.