अल्पवयीन मुलीवर गँगरेप करून केली हत्या, मृतदेह बंद दुकानात टाकून आरोपी झाले फरार
By ऑनलाइन लोकमत | Published: February 21, 2022 08:52 PM2022-02-21T20:52:21+5:302022-02-21T21:11:45+5:30
Gangrape And Murder Case : आरोपींनी 14 वर्षीय मुलीवर सामूहिक बलात्कार केला. यानंतर त्याची गळा आवळून हत्या करण्यात आली.
![A minor girl was gang-raped and murdered, her body dumped in a closed shop and the accused absconded | अल्पवयीन मुलीवर गँगरेप करून केली हत्या, मृतदेह बंद दुकानात टाकून आरोपी झाले फरार A minor girl was gang-raped and murdered, her body dumped in a closed shop and the accused absconded | अल्पवयीन मुलीवर गँगरेप करून केली हत्या, मृतदेह बंद दुकानात टाकून आरोपी झाले फरार](https://d3pc1xvrcw35tl.cloudfront.net/images/840x630/rape-10098_202101542493.jpeg)
अल्पवयीन मुलीवर गँगरेप करून केली हत्या, मृतदेह बंद दुकानात टाकून आरोपी झाले फरार
दिल्लीत सामूहिक बलात्कार: जेव्हा 'आपल्या नात्याची हत्या करू' लागतात तेव्हा लोक कोणावर विश्वास ठेवणार? दिल्लीतील नरेला येथे नात्याला काळिमा फासणारी घटना उघडकीस आली आहे.
आरोपींनी 14 वर्षीय मुलीवर सामूहिक बलात्कार केला. यानंतर त्याची गळा आवळून हत्या करण्यात आली. इतक्यावरच न थांबता नराधमांनी दुकानात मृतदेह बंद करून शटर बंद केले. दिल्लीतील नरेला येथे एका बंद दुकानात १४ वर्षीय अल्पवयीन मुलीचा मृतदेह सापडला आहे. ही मुलगी गेल्या आठवडाभरापासून बेपत्ता होती. नातेवाइकांनी खूप शोध घेतला, मात्र मुलगी कुठेच सापडली नाही. त्यांनी बेपत्ता व्यक्तीबाबत हरवल्याची तक्रार दाखल करण्यात आली. यानंतर पोलिसांनी तपास सुरू केला.
विकृत अवस्थेत मृतदेह सापडला
वास्तविक, मुलगी आठवडाभरापूर्वी जवळच्या दुकानात सामान घेण्यासाठी गेली होती. तेव्हापासून ती बेपत्ता होती. १९ फेब्रुवारी रोजी एका दुकानातून दुर्गंधी येत होती. त्यानंतर आजूबाजूच्या लोकांनी याची माहिती पोलिसांना दिली. पोलिसांनी घटनास्थळी पोहोचून दुकानाचे शटर तोडले असता वास्तव समोर आले. दुकानात मुलीचा मृतदेह छिन्नविछिन्न अवस्थेत पडलेला होता.
मुलीला भेटायला बोलावले
यानंतर पोलिसांनी या प्रकरणाचा सखोल तपास केला, त्यानंतर घटना घडवणारा एक आरोपी पोलिसांच्या हाती लागले. तर दुसरा आरोपी फरार आहे. अटक आरोपी सचिनने सांगितले की, घटनेच्या दिवशी त्याने मुलीला भेटायला बोलावले होते. यादरम्यान दोघांनी बलात्कार केला. दुसरा आरोपी सुनील फरार आहे.
आरोपी हरदोई येथील रहिवासी आहेत
एवढेच नाही तर मुलीचा गळा आवळून खून केला. मृतदेह दुकानात टाकून त्यांनी शटर बंद करून पळ काढला. दोन्ही आरोपी मुलीचे ओळखीचे असून ते हरदोई येथील रहिवासी असल्याचे पोलिसांनी सांगितले.