पाळलेल्या मांजरीच्या मृत्यूचा धक्का असह्य झाला अन् २० वर्षाच्या तरुणीने...; भयंकर घटनेने कुटुंब हादरले

हैदराबादमधील बदांगपेटमध्ये एका तरुणीने मांजरीच्या मृत्यूनंतर स्वतःचा जीव घेतल्याची घटना घडली आहे. तिच्या आत्महत्येमुळे कुटुंब हादरले आहे. 

बी.एससीचे शिक्षण घेत असलेल्या २० वर्षाच्या तरुणीने जे केले, ते ऐकूण हैदराबादमधील बदांगपेटमध्ये सगळ्यांनाच हादरला बसला. दोन वर्षांपासून घरात पाळलेल्या मांजरीचा मृत्यू झाल्याने तरुणी दुखात होती. दुःख असह्य झाल्याने तिने आत्महत्या केली. 

बदांगपेटमधील व्यंकटद्री कॉलनीमध्ये ही घटना घडली. पोलिसांनी सांगितले की, तरुणीचे नाव हिमाबिंदू असे आहे. ती कुटुंबीयांसोबत राहत होती. तिने मांजर पाळली होती. दोन वर्षांपासून ती मांजरीची खूप काळजी घ्यायची. मांजरीवर तिचा जीव जडला होता. 

काही दिवसांपूर्वी मांजरीचा मृत्यू झाला. मांजरीच्या मृत्यूचा हिमाबिंदूला धक्का बसला. मांजरीच्या मृत्यूच्या दुःखातून ती स्वतःला सावरू शकली नाही. तिने घरात कीटक नाशक प्राशन केले. कुटुंबातील व्यक्तींना तिला बेशुद्धावस्थेत बघितले आणि तातडीने रुग्णालयात नेले. पण, तिचा जीव वाचवण्यास अपयश आले. 

मीरापेट पोलीस ठाण्याचे पोलीस निरीक्षक शंकर कुमार यांनी सांगितले की, हिमाबिंदूने विषारी पदार्थ खाऊन स्वतःचे आयुष्य संपवले. दत्तक घेतलेल्या मांजरीच्या मृत्यूनंतर तिने आत्महत्या केली. तिचा मृतदेह शवविच्छेदनानंतर आईवडिलांकडे सोपवण्यात आला.