यंदा शहरात ३ लाख ४० हजार पुस्तके येणार

 नांदेड : शहरातील २६३ शाळांतील ८४ हजार ८४५ विद्यार्थ्यांसाठी ३ लाख ४० हजार पाठ्यपुस्तकांची मागणी करण्यात आली आहे़ सर्व माध्यमांची पुस्तके लवकरच उपलब्ध होणार होणार असून शाळेच्या पहिल्या दिवशी १६ जून रोजी ही पुस्तके विद्यार्थ्यांना वाटप करण्यात येणार आहेत़ शाळेच्या पहिल्या दिवशी नवा गणवेश, नवे दप्तर आणि नव्या पुस्तकांचा सुंगध सर्वांच्याच आठवणीचा एक भाग आहे़ शाळेत पहिली ते आठवीपर्यंत शिक्षण घेणार्‍या प्रत्येक विद्यार्थ्याला पाठ्यपुस्तके मोफत देण्यात येत असल्यामुळे यंदाही या पुस्तकांची प्रतीक्षा विद्यार्थी करत आहेत़ महापालिकेच्या शिक्षण विभागाकडून शहरातील खाजगी अनुदानित शाळा, जिल्हा परिषद शाळा व महापालिकेच्या १७ शाळेत पाठ्यपुस्तकांचे वितरण होणार आहे़ विद्यार्थ्यांना पाठ्यपुस्तकांसोबतच स्वाध्यायपुस्तिकाही देण्यात येणार आहे़ २०१४- १५ साठी माध्यमनिहाय पुस्तकाची मागणी करण्यात आली आहे़ इयत्ता पहिली- मराठी माध्यमासाठी ६ हजार ८०७, उर्दूसाठी ४ हजार ३१८, हिंदी २२४, इयत्ता दुसरी -मराठी माध्यमासाठी ६ हजार ४७७, उर्दू ३ हजार ८९४, हिंदी २२९, तिसरी- मराठी माध्यमासाठी ६ हजार १९५, उर्दू ३ हजार ७२३, हिंदी २२१, चौथी - मराठी माध्यम ६ हजार २४५, उर्दू ३ हजार २१८, हिंदी १९४, पाचवी- मराठी माध्यम ७ हजार ५८५, उर्दू ३ हजार ३१०, हिंदी २३०, इंग्रजी १२३, सहावी - मराठी माध्यम ७ हजार २६१, उर्दु ३ हजार ५,हिंदी २३०, इंग्रजी १०२, सातवी - मराठी माध्यम ७ हजार ३५०, उर्दू २ हजार ९४५, हिंदी २२६, इंग्रजी १०५, आठवी - ७ हजार ४८४, उर्दू २ हजार ६२३, हिंदी २१०, इंग्रजी ३११ असा एकूण ८४ हजार ८४५ पाठ्यपुस्तकांचा संच मागविण्यात आला आहे़ यासंदर्भात मनपाचे शिक्षणाधिकारी भागवत जोशी म्हणाले, या शैक्षणिक वर्षासाठी महाराष्ट्र राज्य पाठ्यपुस्तक निर्मिती व अभ्यासक्रम संशोधन मंडळाकडे ८४ हजार ८४५ विद्यार्थ्यांसाठी तेवढ्याच पुस्तकांच्या संचाची मागणी करण्यात आली आहे़ महापालिकेच्या १७ शाळांतील इयत्ता पहिली ते आठवी पर्यंतच्या सर्व माध्यमांच्या विद्यार्थ्यांना ही पुस्तके शाळेच्या पहिल्या दिवशीच वाटप करण्यात येतील़ या आठवड्यात ही पुस्तके नांदेड शहरात येण्याची शक्यता आहे़ त्यानंतर या पुस्तकांचे शाळानिहाय वाटप करण्यात येईल़ खाजगी अनुदानित शाळा, जिल्हा परिषदेच्या शाळेतील विद्यार्थ्यांना पहिल्याच दिवशी पुस्तके वाटप करता यावे, यासाठी नियोजन करण्यात येत आहे़(प्रतिनिधी) इयत्ता पहिली ते आठवीपर्यंतच्या मराठी माध्यमांसाठी ५५ हजार ४०४ पुस्तकांचा संच, उर्दू माध्यमासाठी २७ हजार ३६, हिंदी माध्यमासाठी १ हजार ७६४ व इंग्रजी माध्यमासाठी ६४१ पुस्तकांचा संच मागविण्यात आला आहे़ शहरातील २६३ खाजगी अनुदानित, जिल्हा परिषद व महापालिका शाळेत इयत्ता पहिलीत ११ हजार ३४९, दुसरीत १० हजार ६००, तीसरीत १० हजार १३९, चौथी ९ हजार ६५७, पाचवी ११ हजार २४८, सहावी १० हजार ५९८, सातवी १० हजार ६२६, आठवीत १० हजार ६२८ विद्यार्थी शिक्षण घेत आहेत़ शहरातील ७५ विनाअनुदानित शाळेतील विद्यार्थी वगळता एकूण ८४ हजार ८४५विद्यार्थ्याना पुस्तके वाटप होणार आहेत़