‘ट्रू लाईफ कंपनी’चा फॉल्स फंडा

औरंगाबाद : तीन राज्यांतील सहा हजारांवर नागरिकांना तीन कोटींचा गंडा घालणाऱ्या नाशिकच्या ‘ट्रू लाईफ व्हिजन प्रा. लि.’ कंपनीचा व्यवस्थापकीय संचालक

आर्थिक गुन्हे शाखेने उधळला डाव : तीन कोटींचा गंडा; सात जण अटकेतऔरंगाबाद : तीन राज्यांतील सहा हजारांवर नागरिकांना तीन कोटींचा गंडा घालणाऱ्या नाशिकच्या ‘ट्रू लाईफ व्हिजन प्रा. लि.’ कंपनीचा व्यवस्थापकीय संचालक दीपक जिभाऊ सूर्यवंशी (३७, रा. कामटवाडा, नाशिक) याच्यासह सात जणांना आर्थिक गुन्हे शाखेच्या पोलिसांनी रविवारी रात्री जेरबंद केले. या कारवाईमुळे भविष्यात होणारी अनेकांची फसवणूक टाळण्यात पोलिसांना यश मिळाल्याचे पोलीस आयुक्त अमितेशकुमार यांनी सांगितले.अटक केलेल्या अन्य आरोपींमध्ये शंकर प्रकाश निकम (३६, रा. शेंदुरवादा, जि. औरंगाबाद), राजेंद्र दादासाहेब भुसे (३५, रा. चापडगाव, जि.नगर), अरुण चंद्रभान मोगल (३०, रा. शिवाजीनगर, औरंगाबाद), परमेश्वर रावसाहेब लोंढे (२९, रा. नीलजगाव फाटा, जि. औरंगाबाद) आणि रविराज जवाहर राठोड (२७, रा. देवळाई चौक, औरंगाबाद) यांचा समावेश आहे. ही कारवाई करणाऱ्या आर्थिक गुन्हे शाखेला पोलीस आयुक्तांनी (पान २ वर)अशी होती कार्यपद्धतीमहाराष्ट्र, मध्यप्रदेश व गुजरात या तीन राज्यांत ‘ट्रू लाईफ’ने जाळे विणले होते. साखळी पद्धतीने जास्तीत जास्त सभासद करणाऱ्यांना क्रमाक्रमाने सिल्व्हर, गोल्ड, प्लॅटिनम, रुबी, डायमंड व क्राऊन क्लबमध्ये प्रवेश देऊन करोडपती केले जाईल, असे आमिष सूर्यवंशीने दाखविले होते. ३,७०० ते ५,००० रुपयांपर्यंतची रक्कम सभासदांना कंपनीच्या महाराष्ट्र बँकेतील खात्यावर जमा करण्यास भाग पाडले जात होते. अशा प्रकारे तीन राज्यांतील ६३०० सभासदांकडून तीन कोटी रुपये जमा करण्यात आले होते.नाशिकमध्ये झाडाझडती1दीपक सूर्यवंशी याला अटक करताच औरंगाबाद पोलिसांचे पथक नाशिकला रवाना झाले. सूर्यवंशी याच्या कामटवाडा भागातील सिद्धीविनायक ब्लासम अपार्टमेंटमधील फ्लॅटची तसेच त्याच्या कार्यालयाची झडती घेण्याचे काम सुरू होते. काही महत्त्वांची कागदपत्रे पोलिसांच्या हाती लागली असून, सूर्यवंशीच्या कार्यालयास सील ठोकण्यात आले आहे.‘केबीसी’ शी साटेलोटे?2राज्यातील हजारो गुंतवणूकदारांना कोट्यवधींचा गंडा घालणाऱ्या ‘केबीसी’ कंपनीचा म्होरक्या भाऊसाहेब चव्हाण हा नाशिकचाच रहिवासी आहे. ‘ट्रू लाईफ’चा ‘केबीसी’शी काही संबंध आहे काय, याची तपासणीही केली जाणार असल्याचे अमितेशकुमार यांनी सांगितले.