राकाँच्या गावांत बाण

परभणी: परभणी विधानसभा मतदारसंघामध्ये नरेंद्र मोदी यांची त्सुनामी लाट दिसून आली. या लाटेत राष्ट्रवादीच्या नेते मंडळींच्या गावातही बाणाला आघाडी मिळाली. या मतदारसंघात जवळपास ५५ गावे आणि परभणी शहराचा समावेश होतो. परभणी शहरात राष्ट्रवादी काँग्रेसला १७ हजारांची आघाडी मिळाली असली तरी ग्रामीणमध्ये शिवसेनेला ७ हजार ३२० मतांची आघाडी होती. ग्रामीण भागातील झालेल्या मतदानावर दृष्टीक्षेप टाकला असता राष्ट्रवादी काँग्रेस आणि काँग्रेसच्या काही पदाधिकार्‍यांच्या गावातही शिवसेनेला भरघोस आघाडी मिळाली. तर अनेक ठिकाणी चुरशीची लढत झाली. राष्ट्रवादी काँग्रेसचे शहर जिल्हाध्यक्ष स्वराजसिंह परिहार यांच्या झरी गावात भांबळे यांना २२०२ तर जाधव यांना २४९८ मते मिळाली. या गावात शिवसेना २९६ मतांनी आघाडीवर होती. परभणी पंचायत समितीच्या माजी सभापती लोफामुद्रा मोरे यांच्या साडेगावात मात्र नाममात्र ३६ मतांची आघाडी भांबळे यांना मिळाली. जि. प. सदस्य दिनेश बोबडे यांच्या टाकळी बोबडे या गावात शिवसेनेला ३५ मतांची आघाडी आहे. पंचायत समितीचे माजी सभापती बाळासाहेब रसाळ यांच्या नांदापूरमध्ये भांबळे यांना १११ मतांची आघाडी आहे. या पट्ट्य़ातील टाकळी कुंभकर्ण हे मोठे गाव. या ठिकाणी काँग्रेसचे जि.प. सदस्या जैस्वाल आणि प्रभाकर जैस्वाल यांचे गाव. तसेच या ठिकाणी राष्ट्रवादी काँग्रेसचे सामाले बंधुचे वर्चस्व. या ठिकाणीही शिवसेनेला ७४४ मतांची भरघोस आघाडी मिळाली. धर्मापुरीत ५४९, पिंपळी कोथाळा ३, जोडपरळी १४५, सावंगी ३५०, संबर ४४५, मांगणगाव २२७, वाडी दमई येथे २२३, करडगावात १११, धारणगाव १५७, साटलामध्ये १३६, धारमध्ये ६३, दुरडीत ३०, मुरुंबा २३८ तर सुकापूरवाडी येथे शिवसेनेला १७९ मतांची आघाडी मिळाली होती. पिंपळगाव टोंग येथे शिवसेनेला २१, देवठाणा ११६, नांदगाव खु. मध्ये १६५, साबामध्ये ७, वांगी २१०, नांदखेडा १०५, कारेगावमध्ये ८४, राहटीत ३२७, आलापूर पांढरीत १७४, धनगरवाडीत २३४, पिंपरी देशमुखमध्ये ४३५, बाभळीत ६१८, मिरखेलमध्ये २५५, पोरजवळ्यात २८५ तर ताडलिमला येथे शिवसेनेचे उमेदवार बंडू जाधव यांना ४६१ मतांची आघाडी मिळाली होती. तट्टुजवळा येथे २०३, शेंद्रा येथे ९४, बलसा ५८, रायपूर १३०, ब्राह्मणगाव २५८, ब्रह्मपुरीतर्फे लोहगाव ११९, कौडगाव २२९, पारवा येथे शिवसेनेला ५६४ मतांची आघाडी मिळाली. परभणी विधानसभा मतदारसंघात जांब हे मातब्बर नेते मंडळींचे गाव म्हणून ओळखले जाते. शिवसेनेच्या आ.मीराताई रेंगे, कल्याणराव रेंगे, राष्ट्रवादी काँग्रेसचे जि. प. गटनेते बाळासाहेब जामकर, परभणी मनपा स्थायी समितीचे सभापती विजय जामकर, माजी खासदार तथा कॉंग्रेस नेते तुकाराम रेंगे पाटील यांचे हे गाव. या गावामध्ये कुणाला आघाडी मिळते, याबद्दल उत्सुकता होती. या गावात राष्ट्रवादीचे विजय भांबळे यांना ११५२ मते तर शिवसेनेचे संजय जाधव यांना ७६० मते मिळाले. या गावात राष्ट्रवादी काँग्रेसला ३९२ मतांची आघाडी आहे. असोला हे गाव परभणी बाजार समितीचे उपसभापती तथा काँग्रेसचे युवा नेते आनंद भरोसे, नगरसेवक शिवाजी भरोसे यांचे गाव. या गावात मात्र राष्ट्रवादीला ९२६ तर शिवसेनेला ५६१ मते मिळाली. असोल्यात राष्ट्रवादीला ३६५ मतांची आघाडी आहे. कारेगाव हे राष्ट्रवादी काँग्रेसचे सोपानराव अवचार यांचे गाव. कारेगावमध्ये राष्ट्रवादीला ८२९ त२ शिवसेनेला ९१३ मते मिळाली. बाणाला ८४ मतांची आघाडी आहे.