हजारो रुपयांचे अर्ज धूळखात

संतोष हिरेमठ , औरंगाबादप्रादेशिक परिवहन कार्यालयात (आरटीओ) लर्निंग लायसन्स, कायमचे लायसन्स, योग्यता प्रमाणपत्र, वाहन नामांतरसह विविध कामांसाठी वाहनधारकांना अर्ज भरावे लागतात. वाहनधारकांना हे अर्ज आरटीओ कार्यालयाच्या वतीने उपलब्ध करून देणे आवश्यक आहे. परंतु गेल्या अनेक वर्षांपासून हजारो रुपयांचे अर्ज धूळखात पडल्याने वाहनधारकांना परिसरातील झेरॉक्स सेंटरवरून अर्ज विकत घ्यावे लागत आहेत. आरटीओ कार्यालयाच्या परिसरात वाहन चालविण्याची चाचणी होणाऱ्या ट्रॅकजवळ असलेल्या गोदामात गेल्या अनेक वर्षांपासून विविध नमुन्यांचे अर्ज धूळखात पडलेले आहेत.आरटीओ कार्यालयात विविध कामांसाठी आलेल्या वाहनधारकांना पहिल्यांदा अर्ज भरावा लागतो. हे अर्ज आरटीओ कार्यालयातून मिळणे आवश्यक आहे. परंतु अशा पद्धतीने अर्ज पडून असतानाही तो वाहनधारकांना उपलब्ध होत नसल्याचे दिसून येते. झेरॉक्स अर्जांवर कामकाजआरटीओ कार्यालयात झेरॉक्स अर्जांचा वापर वाढत आहे. त्यामुळे कार्यालयातील कामकाज झेरॉक्स अर्जावरच बिनदिक्कत सुरू आहे. अशा पद्धतीच्या कामकाजाकडे अधिकाऱ्यांचे लक्ष जात नसल्याचे दिसत आहे.हजारो रुपये वायाअर्ज छापण्यापासून ते कार्यालयात आणण्यापर्यंत हजारो रुपये खर्च झाली; परंतु त्यांचे वेळीच वितरणाकडे दुर्लक्ष करण्यात आले. त्यामुळे गेल्या काही वर्षांत अनेक अर्जात बदलही झाले असतील. ‘राज्यात वापरलेल्या किंवा वापरण्यासाठी ठेवलेल्या मोटार वाहनांच्या बाबतीत द्यावयाचा प्रतिज्ञापत्राचा नमुना’ असे विविध अर्ज जीर्ण झाले आहेत किंवा फाटून गेले आहेत. त्यामुळे असे अर्ज आता वापरता येणार नसल्याने हजारो रुपये वाया गेल्याची स्थिती दिसून येते.वीस रुपयांपर्यंत अर्जविविध कामांसाठी २ रुपयांपासून २० रुपयांपर्यंत विविध अर्जांची विक्री परिसरात होत आहे. आरटीओ कार्यालयात अर्ज मिळत नसल्याची कल्पना आता वाहनधारकांना आली आहे. त्यामुळे वाहनधारक आरटीओ कार्यालयात आल्यावर अर्जासाठी सरळ झेरॉक्स सेंटरवर जातात. अनेक वेळा सुट्या पैशांअभावी अर्ज घेण्यात अडचणी येत असल्याचे दिसून येते.कधीतरी उपयोगात येणारे अर्जधूळखात पडून असलेले अर्ज कधीतरी कामी पडणारे असतात. त्यामुळे वाहनधारकांकडून त्याची मागणी कमी असल्याने ते पडून असल्याचे सांगितले जाते.धूळखात पडून असलेले अर्ज कोणते आहेत, त्याचा आता वापर होऊ शकतो की नाही, याची पाहणी करावी, तसेच अर्जांची योग्य छाननी करून वापरण्यायोग्य अर्ज वाहनधारकांना उपलब्ध करून द्यावेत, अशी मागणी होत आहे.अर्ज मोफत मिळावेतआरटीओ कार्यालयात मोफत अर्ज मिळण्याची आवश्यकता असताना ते झेरॉक्स सेंटरवरून विकत घ्यावे लागत आहेत. तर दुसरीकडे अनेक वर्षांपासून अर्ज धूळखात पडून आहेत. हे अर्ज वापरण्यायोग्य असून ते वाहनधारकांना मोफत मिळाले पाहिजेत.- एस. के. खलील, कार्याध्यक्ष, रिक्षाचालक संयुक्त संघर्ष कृती समितीओरिजनल अर्ज मिळावेतआरटीओ कार्यालयात झेरॉक्स अर्ज घेण्याची वेळ येत आहे; परंतु ओरिजनल अर्ज मिळाले पाहिजेत. त्यामुळे गोदामात पडून असलेले अर्ज बाहेर काढून वाटप केले पाहिजे.-बुद्धिनाथ बराळ, अध्यक्ष, लाल बावटा रिक्षाचालक कामगार युनियनमाहिती घेतली जाईलअर्ज पडून असल्याबाबत माहिती घेतली जाईल. अर्ज उपलब्ध असले तरी ते वाटण्यासाठी आरटीओ कार्यालयाकडे कर्मचाऱ्यांची कमतरता आहे. जर उपलब्ध असल्यास मोफत दिले जातील.- गोविंद सैंदाणे, प्रादेशिक परिवहन अधिकारी