गोदावरी मनार कारखान्यात १० हजार रुपयांची झाली चोरी

बिलोली : गोदावरी मनार सहकारी साखर कारखान्याच्या रूममध्ये सलग दुसर्‍यांदा चोरीची घटना घडली़ या प्रकरणी दोघांविरूद्ध गुन्हा नोंदविण्यात आला़ गोदावरी मनार कारखान्याच्या रूम नंबर सी/१६ मधून आरोपी धर्मपूर लक्ष्मण पांडे, प्रा़ रोहिणी गौतम सूर्यवंशी (दोघे रा़शंकरनगर, ता़बिलोली) यांनी सागवानी पलंग, दोन गाद्या, दोन उशा असा एकूण १० हजार रुपयांचा ऐवज २ मे रोजी चोरून नेल्याची तक्रार कारखान्याचे सुरक्षा सुपरवायझर यांनी रामतीर्थ पोलिस ठाण्यात २२ मे रोजी दिली़ याप्रकरणी पोलिसांनी गुन्हा नोंदविला आहे़ यापूर्वीही चोरीचा प्रकार गोदावरी कारखान्यात घडला होता़ वारंवार चोरी होत असल्याने नेमका हा प्रकार काय? याची चर्चा नागरिक करीत आहेत़ (वार्ताहर)