Latest Chhatrapati Sambhajinagar News | Chhatrapati Sambhajinagar Marathi News | Latest Chhatrapati Sambhajinagar News in Marathi | छत्रपती संभाजीनगर: ताज्या मराठी बातम्या

छत्रपती संभाजीनगर : महायुती तुटल्यानंतर तीन तासांत भाजपने ९६ उमेदवारांना बी : फॉर्म (पक्षाच्या चिन्हावर अधिकृतरीत्या लढण्याची मुभा असलेले पत्र) दिले. एकूण ५० माजी नगरसेवकांना भाजपने मैदानात उतरविले आहे. त्यात उद्धवसेना व इतर पक्षांतून आलेल्या १३ माजी नगरसेवकांचा समावेश आहे. ४६ नवीन चेहऱ्यांना संधी दिली आहे. १९ ठिकाणी भाजपला उमेदवार मिळाले नाहीत. मनपाच्या कुरूक्षेत्रात सर्वाधिक उमेदवार भाजपने उतरविले आहेत. पालिकेच्या रणधुमाळीत जास्तीचे उमेदवार देत भाजपने मोठा पक्ष म्हणून बाजी मारली.निवड समितीही उमेदवारीतमागील दहा दिवसांत पक्षांत जे आले, त्या सर्वांना उमेदवारी मिळाली आहे. यात पाच उमेदवारांचा समावेश आहे. जे काँग्रेस, उद्धवसेनेतून आचारसंहिता लागल्यानंतर भाजपमध्ये आले. परिणामी, भाजपमधील निष्ठावंतांमध्ये प्रचंड नाराजी दिसून आली. निवडणूक प्रमुख म्हणून पद असताना ऐनवेळी अर्ज भरला. समन्वय समिती सदस्यांनाही उमेदवारी मिळाली.९६ जागांवर उमेदवार९६ जागांवर भाजपने उमेदवार दिले आहेत. प्रभाग क्र.२८ मध्ये तीन ठिकाणी, प्रभाग क्र. १४ मध्ये चार, प्रभाग क्र. १३ मध्ये चार, प्रभाग क्र. १२ मध्ये चार, तर प्रभाग क्र. ५ मध्ये चार असे एकूण १९ ठिकाणी भाजपला उमेदवार मिळाले नाहीत.गुगल लोकेशनवर वाटले बी-फॉर्मअंतिम केलेल्या उमेदवारास भाजप नेत्यांनी गुगल लोकेशन टाकून कोणत्या कार्यकर्त्यांच्या हस्ते बी-फॉर्म मिळेल, हे कळविले. कुणाच्याही हाती बी-फॉर्म पाठविले नव्हते. पक्षाच्या जबाबदार व्यक्तीकडेच बी-फॉर्म देण्यात आले. ज्यांना उमेदवारी दिली आहे, त्यांना गुगल लोकेशन दिले.मध्यरात्री २नंतर सर्वांना फोनभाजप मध्यवर्ती प्रचार कार्यालयातून मध्यरात्री २ वाजता उमेदवारी अर्ज भरण्यासाठी सकाळी तयार राहण्याचे सांगण्यात आले होते. सकाळी ९ वाजता उमेदवारांनी झोन कार्यालय गाठून उमेदवारी अर्ज भरले. तसेच बी-फॉर्म आणण्यासाठी उमेदवार स्वत: ज्या ठिकाणी सांगितले होते, तेथे पोहोचले.३५ ते ४५ वयाचा नारा नावापुरताच३५ ते ४५ वयाच्या उमेदवारांना प्राधान्य द्या, असे महसूलमंत्री चंद्रशेखर बावनकुळे यांनी सुचविले होते. परंतु सुमारे ३० उमेदवार हे ५० ते ७० वयातील आहेत. ३५ ते ४५ वयातील उर्वरित उमेदवारांची संख्या ४० च्या आसपास आहे. २५ ते ३५ वयातील २६ उमेदवार आहेत.

Chhatrapati Sambhajinagar (Marathi News)

या निवडणुकीत सी-फाॅर्म हा प्रकारच नसतो, असे निवडणूक निर्णय अधिकाऱ्यांनी सांगितले. ...

मनपाच्या कुरूक्षेत्रात सर्वाधिक उमेदवार भाजपने उतरविले आहेत. ...