चंद्रपूर : खरीप हंगाम तोंडावर असताना केंद्र सरकारच्या चुकीच्या धोरणांमुळे रासायनिक खतांचे दरवाढ झाल्याचा आरोप करून जिल्हा राष्ट्रवादी काँग्रेसने सोमवारी जिल्हाधिकारी कार्यालयासमोर निदर्शने केली.
केंद्र सरकारने पेट्रोल, डिझेल, सिलिंडर व जीवनावश्यक वस्तूंची दरवाढ केल्याने सर्वसामान्य जनतेचे हाल सुरू आहेत. याबाबत काहीही धोरण न ठरविता केंद्र सरकारने रासायनिक खतांच्या किमतीत ४० टक्के दरवाढ केली, असा आरोप जिल्हाध्यक्ष राजेंद्र वैद्य यांनी केला.
एक वर्षापासून शेतकरी कोरोनाच्या संकटामुळे आर्थिक अडचणीत आहेत. दरवाढ करून मोदी सरकारने शेतकऱ्यांचे कंबरडे मोडले.
पेट्रोलचे दर शंभर रूपयांच्या वर गेले आहे. त्यामुळे ही दरवाढ कमी करून शेतकरी हिताचे निर्णय घ्यावे, अशी मागणी राकाँने केली. दरम्यान, राकाँ कार्यकर्त्यांनी केंद्र सरकारविराेधात जोरदार घोषणाबाजी केली. या आंदोलनात महिला जिल्हाध्यक्ष बेबी उईके, हिराचंद बोरकुटे, महादेव पिदूरकर, माजी नगराध्यक्ष दीपक जयस्वाल, डी. के. आरीकर, सामाजिक न्याय विभागाचे प्रदेश उपाध्यक्ष सुनील दहेगावकर, जिल्हाध्यक्ष प्रियदर्शन इंगळे, ग्राहक सेलचे देव कन्नाके, डॉ. आनंद अडबाले, शरद मानकर, राजेंद्र आखरे, वंदना आवळे, दिलीप पिट्टूलवार, प्रमोद देशमुख, मनोहर जाधव, पुरुषोत्तम वाघ, देविदास रामटेके, किशोर आवळे, डॉ. रमेश वरहाटे, संपत अरेल्ली, सरस्वती गावंडे, सुमित्रा वैद्य, नीता पिंपळकर, असिफ शेख,विठ्ठल पिंपळकर आदी सहभागी झाले होते.