डंपर अपघात प्रकरण : कोयला श्रमिक सभा संघटनेस वेकोलिचे लिखित आश्वासन
बल्लारपूर : मंगळवारी सकाळच्या पाळीत सास्ती ओपनकास्ट कोळसा खदानित झालेल्या अपघातात डंपर ऑपरेटर वेकोलि कामगार बल्लारपूर येथील अक्षय खरतड यांचा मृत्यू झाला होता. त्याचा मृतदेह वेकोलिच्या कोयला श्रमिक सभा या संघटनेशी कोणताही करारनामा न करता वेकोलि प्रबंधन एका भंगार वाहनात घेऊन जाण्याचा विरोध संघटनेने केला. तेव्हा वेकोलिचे क्षेत्रीय प्रबंधक संदीप बारला यांनी कोयला श्रमिक सभाचे केंद्रीय महामंत्री फ्रांसिस दारा व सहकारी यांच्याशी बोलणी केली व करारनामा करून मृताच्या वारासदारास ९० दिवसाच्या आत नोकरी देण्याचे आश्वासन व इतर लाभ त्वरित देण्यात येईल, असे लिखित स्वरूपात आश्वासन देण्यात आले.
यावेळी केंद्रीय सहायक सुरक्षा समितीचे सदस्य पराग वैद्य, केंद्रीय सहायक कल्याण मंडळ सदस्य नागेश रेड्डी, चंद्रपूरचे क्षेत्रीय अध्यक्ष बंडू तोटावार, बल्लारपूरचे क्षेत्रीय अध्यक्ष अशोक चिवंडे, समन्वय समितीचे सदस्य ताज मोहम्मद, क्षेत्रीय कल्याण समितीचे सदस्य रामचंद्र यादव, गजूला वीरय्या, जी.आर.शर्मा, रंगराव कुलसंगे, सुधाकर घुबडे, जी.जे. नाथे, प्रकाश खरतड, शुभांकुल रामटेके व इतर पदाधिकारी यांची उपस्थिती होती.