शेततळे योजनेसाठी प्रशासन शेतकऱ्यांच्या दारात

राज्य शासनाच्या कृषी विभागाच्या वतीने ‘मागेल त्याला शेततळे’ ही योजना सुरू करण्यात आली. शेतकऱ्यांचे जीवनमान उंचावणारी ...

आॅनलाईन प्रक्रियेमुळे उद्दिष्ट गौण : मागेल त्याला शेततळे योजनेतील वास्तवबल्लारपूर : राज्य शासनाच्या कृषी विभागाच्या वतीने ‘मागेल त्याला शेततळे’ ही योजना सुरू करण्यात आली. शेतकऱ्यांचे जीवनमान उंचावणारी व शेती उत्पादनात वाढ करणारी महत्त्वकांशी योजना म्हणून २९ फेब्रुवारीपासून सुरू झाली. मात्र आॅनलाईन नोंदणी प्रक्रिया शेतकऱ्यांसाठी किचकट ठरली. परिणामी तालुका निहाय शेततळ्यांचे उद्दीष्ट अद्यापही पूर्णत्वास जाऊ शकले नाही. आता तर प्रशासन शेततळ्यांचे उद्दीष्ट पूर्ण करण्यासाठी शेतकऱ्यांच्या दारात जात असल्याचे वास्तव बल्लारपूर तालुक्यात दिसून येत आहे.बल्लारपूर तालुक्यात एकूण १७ ग्रामपंचायती आहेत. ६ हजारांवर शेतकरी संख्या असलेल्या तालुक्यातील शेतकऱ्यांसाठी ‘मागेल त्याला शेततळे’ योजनेचे उद्दीष्ट १४५ देण्यात आले. मात्र आॅनलाईन शेततळे नोंदणी प्रक्रियेमुळे केवळ ४० शेतकऱ्यांनी आजतागायत नोंद केल्याने योजना कमकुवत ठरण्याच्या मार्गावर आली. शेतकऱ्यांना आॅनलॉईन नोंदणी प्रक्रिया न समजणारी व वेळखाऊ वाटल्याने सदर योजनेकडे दुर्लक्ष केले. शेततळे योजनेतील ठरविण्यात आलेले उद्दीष्ट गौण ठरले. यामुळे तालुका प्रशासन खडबडून जागे झाले.‘मागेल त्याला शेततळे’ योजनेच्या प्रभावी अंमलबजावणीसाठी व तालुक्यात उद्दीष्टपूर्ती साध्य करण्यासाठी शनिवारी सकाळी ८ वाजता विसापूर ग्रामपंचायतीच्या कार्यालयात शेतकऱ्यांची सभा घेण्यात आली. यावेळी बल्लारपूरचे तहसिलदार विकास अहीर, सरपंच रिता जिलटे, जिल्हा परिषद सदस्य रामभाऊ टोंगे, बल्लारपूर पंचायत समितीचे उपसभापती अनेकश्वर मेश्राम, तालुका कृषी अधिकारी प्रशांत कसराळे, कृषी विस्तार अधिकरी एम.एम.वरभे, कृषी सहायक ए.आर. फटींग, प्रशांत गजभिये, ग्रामविकास अधिकारी मोरेश्वर कोमटी यांनी सभेच्या माध्यमातून शेतकऱ्यांना शेततळे योजनेची माहिती दिली.शेततळे योजनेत दारिद्र्य रेषेखालील शेतकरी, कुटुंबातील आत्महत्या ग्रस्त शेतकरी व ज्या शेतकऱ्यांकडे ०.६० हेक्टर क्षेत्रापेक्षा कमी शेत जमीन क्षेत्र नसलेल्यांना प्राधान्य देण्यात आले आहे. शेततळाची तांत्रिक तपासणी तालुका कृषी विभाग करणार असून निधीची उपलब्धता शेततळे बांधकाम झाल्याबरोबर शेतकऱ्यांच्या बँक खात्यात जमा करण्याचे धोरण आहे. सात प्रकारात शेततळ्यांचे बांधकाम करावाचे असून त्यासाठी २६ हजार २०६ रुपयापासून ५० हजार रुपये अनुदान देण्याची तरतूद करण्यात आली आहे. विसापूर, नांदगाव (पोडे), हडस्ती येथील गावागावात शेततळे योजनेची माहिती देण्यात आली. (शहर प्रतिनिधी)