भद्रावती : कोरोना संकट काळात अतिशय नियोजनबद्ध काम करून गावाला कोरोनामुक्त ठेवण्याचा प्रयत्न करणाऱ्या चंदनखेडा ग्रामपंचायतीच्या कार्याची दखल पंचायतराज प्रशासनाने राज्य स्तरावर घेतली. चंदनखेडा ग्रामपंचायतीचे उत्तम कार्य म्हणून घोषित केले. यानिमित्ताने पालकमंत्री विजय वडेट्टीवार यांच्या हस्ते ग्रामपंचायत चंदनखेडा येथील सरपंच नयन बाबाराव जांभुळे व अन्य सदस्यांचा सत्कार करण्यात आला. याप्रसंगी महाराष्ट्र प्रदेश काँग्रेस कमिटीचे अध्यक्ष नाना पटोले, खासदार बाळू धानोरकर, आमदार प्रतिभा धानोरकर, आमदार सुभाष धोटे, आमदार अभिजित वंजारी, चंद्रपूर जिल्हा मध्यवर्ती सहकारी बँकेचे अध्यक्ष संतोष सिंग रावत उपस्थित होते.
ग्रामपंचायत चंदनखेडाचे सरपंच नयन बाबाराव जांभुळे, उपसरपंच भारती उरकांदे, सदस्य रंजना हनवते, मुक्ताबाई सोनुले, निकेश भागवत, नाना बगडे, प्रतिभा दोहतरे, सविता गायकवाड, श्वेता भोयर, बंडू निखाते, आशा नन्नावरे यांचा सत्कार करण्यात आला.