देऊळगाव राजा : रेतीची अवैध वाहतूक करणाऱ्या भरधाव टिप्परने दुचाकीला जबर धडक दिल्याने युवकाचा मृत्यू झाला तर एकजण गंभीर जखमी झाला़ ही घटना १४ जुलैला सायंकाळी देऊळगाव मही कृषी उत्पन्न बाजार समितीसमोर घडली़ समाधान निवृत्ती भगिले असे मृताचे नाव आहे़
तालुक्यातील टाकरखेड भागीले येथील हर्षल दत्तात्रय भगिले व समाधान निवृत्ती भगिले हे त्यांच्या दुचाकीने चिखलीकडे कामानिमित्त १४ जुलैला सायंकाळी जात हाेते़ देऊळगाव मही कृषी उत्पन्न बाजार समितीसमोर त्यांच्या दुचाकीला रेतीची वाहतूक करणाऱ्या टिप्परने जबर धडक दिली़ त्यामध्ये दाेघेही गंभीर जखमी झाले़ त्यांना प्रथम प्रथम जालना आणि नंतर औरंगाबाद येथे हलविण्यात आले़ समाधान निवृत्ती भागिले यांचा उपचारादरम्यान मृत्यू झाला़ याप्रकरणी देऊळगाव राजा पोलीस स्टेशनला हर्षल दत्तात्रेय भागिले यांनी दिलेल्या फिर्यादीनुसार टिप्परचे मालक नितीन भगवान शिंगणे, संजय पऱ्हाड व टिप्परच्या चालकाविरुद्ध विविध कलमांन्वये गुन्हा दाखल करण्यात आला़ पुढील तपास पोलीस चौकीचे अकिल काझी हे करत आहेत़ धडक देणारे टिप्पर पाेलिसांनी वृत्त लिहिस्ताेवर जप्त केले नव्हते़