जलयुक्त शिवाराला ‘सिद्धीविनायक’ची मदत

प्रत्येक जिल्ह्याला एक कोटीचा निधी; ४ एप्रिलपर्यंत वाटपही करणार.

बुलडाणा : मुंबई येथील सिद्धीविनायक मंदिर ट्रस्टने शासनाच्या विविध उपक्रमात नेहमीच सहभाग नोंदवित सामाजिक उत्तरदायीत्व जपले असून, आता जलयुक्त शिवार अभियानासाठी राज्यातील प्रत्येक जिल्ह्याला प्रत्येकी एक कोटीचा निधी देणार असल्याची घोषणा केली आहे. या घोषणेनुसार बुलडाणा जिल्ह्याला एक कोटीचा निधी शनिवारी मिळणार असल्याची माहिती बुधवारी जिल्हाधिकारी किरण कुरूंदकर यांनी ह्यलोकमतह्ण शी बोलताना दिली. सध्या राज्यभर जलयुक्त शिवार अभियानाकडे शासन प्राधान्याने लक्ष देत असून, या अभियानात कॉर्पोरेट सोशल रिस्पॉन्सबिलीटी अर्थात सामाजिक उत्तरदायीत्व कायदा अंतर्गत विविध संस्था, उद्योग, सामाजिक संघटना व कंपन्यांनी सहभाग घ्यावा, असे आवाहन मुख्यमंत्री देवेंद्र फडणवीस यांनी केले होते. त्यानुसार तसेच या कामासाठी मंत्रालय स्तरावर स्वतंत्र कक्षही स्थापन केला आहे. त्यानुसार गेल्या महिन्यात मुंबई येथे सर्व जिल्हाधिकारी तसेच सामाजिक संस्था व कंपन्यांचे प्रतिनिधींची बैठक झाली, त्यामध्ये प्रत्येक संस्थेने सामाजिक दायीत्व म्हणून सहभाग घेण्याचे मान्य केले आहे. या बैठकीत सिद्धीविनायक ट्रस्टच्यावतिने ३४ जिल्हय़ांसाठी प्रत्येकी एक कोटी देण्याची घोषणा केली होती, त्यानुसार ट्रस्टच्यावतिने निधी वितरीत करण्यास प्रारंभ करण्यात आला आहे. कॉर्पोरेट सोशल रिस्पॉन्सबिलीटी अंतर्गत कॉर्पोरेट सोशल रिस्पॉन्सीबिलीटी अंतर्गत बुलडाणा जिल्ह्यात १४ गावांमध्ये दोन हजार ३८७ कामांचे नियोजन असून, अभियानांतर्गत ७७ गावांमध्ये २७८ कामांचा शुभारंभ करण्यात आला आहे. त्यामध्ये १२ ठिकाणी सिमेंट नाला बांध उभारण्यात येणार आहे. या संदर्भात जिल्हाधिकारी कुरूंदकर म्हणाले की, राज्याला दुष्काळाच्या शापातून मुक्ती मिळविण्यासाठी या अभियानांतर्गत सिद्धीविनायक ट्रस्ट प्रमाणे विविध सामाजिक संस्थांनी पुढाकार घेण्याची गरज आहे.