मोटरसायकल घसरल्याने युवक जागीच ठार

गतिरोधकवर संतुलन बिघडल्यामुळे अपघात.

देऊळगावराजा (बुलडाणा): भरधाव वेगात असलेली मोटारसायकल घसरल्याने झालेल्या अपघातात एक युवक ठार झाल्याची घटना २२ डिसेंबर रोजी सकाळी ७ वाजेदरम्यान घडली. याबाबत मिळालेल्या माहितीनुसार, दररोज इलेस्ट्रीक साहित्यांची विक्री करण्याकरिता राहुल यशपाल नायक वय २0 रा.गोरेगाव जि.गोंदिया हा देऊळगावराजा येथून बाहेरगावी जात होता. सोमवारी सकाळी दररोज प्रमाणे आपली मोटर सायकल एम एच ३५ झेड १४९0 ने जात होता. दरम्यान देऊळगावराजा हायस्कुल समोरील गतिरोधकवर संतुलन बिघडल्याने रस्त्याच्या खाली पडला. या अपघातात त्याच्या डोक्यावर गंभीर जखम झाल्याने त्याचा मृत्यू झाला.