बुलडाणा : राज्य उत्पादन शुल्क विभागच्या पथकाने येथील परदेशीपुरा व आठवडी बाजारात छापा मारून ३0 हजार ६९२ रुपयांची गावठी दारू व साहित्य जप्त केले. याप्रकरणी तीन आरोपींना अटक करून त्यांच्याविरुद्ध कारवाई करण्यात आली. राज्य उत्पादन शुल्क विभागाचे प्रभारी अधीक्षक व्ही.एम. पाटील व एन.के. मावळे यांच्या पथकाने गुरुवारी छापा मारला असता, मनोज सुकलाल परदेशी आणि उमेश मनोज परदेशी यांच्या ताब्यातून १३ लिटर हातभट्टीची दारू, सडवा, तीन इलेक्ट्रिक गीझर, चार ड्रम व इतर मुद्देमाल असा २९१00 रुपयांचा माल जप्त केला. भिमनगर येथील सतीश अशोक लोखंडे याच्याजवळून एकूण ३0 हजार ६९२ रुपयांचा माल जप्त करून तिन्ही आरोपीस अटक करण्यात आली.
{{#config.logo.enabled}}
{{/allowed}}