शिक्षकाचा विद्यार्थिनीवर अत्याचार

१५ वर्षीय अल्पवयीन विद्यार्थिनीला प्रेमजाळात अडकवून एका शिक्षकाने दोन वर्षापासून तिचे लैंगिक शोषण केले.

जांभोरा येथील घटना : शिक्षकाला अटकमोहाडी : १५ वर्षीय अल्पवयीन विद्यार्थिनीला प्रेमजाळात अडकवून एका शिक्षकाने दोन वर्षापासून तिचे लैंगिक शोषण केले. ही घटना जांभोरा येथे उघडकीस आल्यानंतर या प्रेमवीर शिक्षकाला अटक करण्यात आली आहे.सरस्वती विद्यालय जांभोरा येथील गणित व विज्ञान शाखेचा शिक्षक हेमराज मेश्राम (४४) या विवाहित शिक्षकाने एका अल्पवयीन विद्यार्थिनीला प्रेमजाळात ओढले व तिच्यावर एप्रिल २०१३ पासून लैंगिक अत्याचार करीत होता. पिडीत मुलगी पैसे व भेटवस्तूच्या मोहापायी त्या शिक्षकाच्या अत्याचाराला बळी पडत राहिली. या प्रकरणाची माहिती पीडित मुलीच्या आईला होताच तिने त्या शिक्षकाविरुद्ध मोहाडी पोलीस ठाण्यात तक्रार दिली. त्यानंतर मोहाडी पोलिसांनी हेमराज मेश्रामाविरुद्ध भादंवि ३७६ व बालकांचे लैंगिक अत्याचार संरक्षण अधिनियमान्वये गुन्हा दाखल करून अटक केली. या घटनेचा तपास ठाणेदार ज्योतीराम गुंजवटे यांच्या मार्गदर्शनाखाली सहाय्यक पोलीस निरीक्षक चौधरी हे करीत आहेत. (शहर प्रतिनिधी)