दोरीचा आधार घेत सरळ रेषेत धान रोवणी

परंपरागत पध्दतीने बांध्यात थेट रोवणी केली जाते. त्यामुळे जवळजवळ भात्याच्या पऱ्ह्यांची रोवणी होत असल्याने उत्पन्नावर त्याचा परिणाम मिळतो. परंतु कृषी विभागाच्या मार्गदर्शनानुसार आता शेतकरी आधुनिक तंत्रज्ञानाचा वापर करीत आहे. दोरीच्या सहाय्याने सरळ रेषेत कमी कालावधीचे पऱ्हे रोवणी होत आहे. कृषी विभाग थेट बांध्यावर जावून शेतकऱ्यांना मार्गदर्शन करीत आहे. आधुनिक तंत्रज्ञानाने शेतकऱ्यांच्या उत्पन्नात वाढ व्हावी हा त्यामागचा उद्देश आहे.

ठळक मुद्देलागवडीत सुधारणा : चुलबंध खोऱ्यात रोवणीला प्रारंभ

लोकमत न्यूज नेटवर्क
पालांदूर : परंपरागत धान रोवणीला फाटा देत आता शेतकरी दोरीचा आधार घेत सरळ रेषेत धानाची रोवणी करीत आहे. नव्या तंत्रज्ञानाने होणाºया शेतीतून अधिक उत्पन्नाची हमी आहे. सध्या चुलबंद खोऱ्यात धान रोवणीला सुरुवात झाली आहे.
परंपरागत पध्दतीने बांध्यात थेट रोवणी केली जाते. त्यामुळे जवळजवळ भात्याच्या पऱ्ह्यांची रोवणी होत असल्याने उत्पन्नावर त्याचा परिणाम मिळतो. परंतु कृषी विभागाच्या मार्गदर्शनानुसार आता शेतकरी आधुनिक तंत्रज्ञानाचा वापर करीत आहे. दोरीच्या सहाय्याने सरळ रेषेत कमी कालावधीचे पऱ्हे रोवणी होत आहे. कृषी विभाग थेट बांध्यावर जावून शेतकऱ्यांना मार्गदर्शन करीत आहे. आधुनिक तंत्रज्ञानाने शेतकऱ्यांच्या उत्पन्नात वाढ व्हावी हा त्यामागचा उद्देश आहे.
पालांदूर येथील प्रगतशील शेतकरी टिकाराम भुसारी यांच्या शेतात केवळ १८ दिवसांच्या पऱ्ह्यांची रोवणी सुरु आहे. दोरीने एका रेषेत पूर्व पश्चिम दिशेचा आधार घेत नेऋत्य वाऱ्यांचा अभ्यास करीत रोवणी आटोपली आहे. २० बाय १५ सेमी दोन रोपाचे अंतर सुरक्षीत ठेवण्यात आले आहे. मंडळ कृषी अधिकारी गणपती पांडेगावकर, कृषी सहायक वैशाली खंदाडे उपस्थित होते.

शेतकऱ्यांना मार्गदर्शन
कृषी विभागाच्यावतीने नवनविन तंत्रज्ञानाची माहिती यावेळी देण्यात आली. अभ्यासपूर्ण नियोजन करीत शेतकऱ्यांनी कशी लागवड करावी याबाबत मार्गदर्शन केले. कमी खर्चात व्यवस्थीत नियोजन केल्यास धानाची शेती फायद्याची ठरु शकते, असे यावेळी कृषी विभागाच्या अधिकाऱ्यांनी शेतकऱ्यांना सांगितले.