तुमसर : भंडारा जिल्हा ग्राम स्वराज्य मंडळ आणि नशाबंदी मंडळाच्यावतीने तुमसर येथे व्यसनमुक्ती कार्यकर्ता संमेलनाचे आयोजन करण्यात आले होते. यावेळी व्यसनमुक्तीवर आधारित प्रदर्शनही लावण्यात आले होते.
प्रमुख पाहुणे म्हणून माजी राज्यमंत्री नाना पंचबुद्धे, हातमाग महामंडळाचे माजी अध्यक्ष धनंजय दलाल, बाजार समितीचे संचालक बालकदास ठवकर, अर्बन को आप. सोसायटीचे अध्यक्ष शालीकराम गौरकार, नलिनी वाडीभस्मे, श्यामराव पाटील, मदन शेंडे, दुर्जन ढेंगे आदी उपस्थित होते. जिल्हा ग्राम स्वराज्य मंडळाचे अध्यक्ष तथा नशाबंदी मंडळाचे संघटक लिलाधर वाडीभस्मे यांनी प्रास्ताविक केले. आपल्या प्रास्ताविकातून त्यांनी व्यसनांपासून दूर राहण्याचे आवाहन केले. व्यसनमुक्ती महिला अध्यक्ष वच्छला कोल्हटकर यांनी आभार मानले. यावेळी शालेय विद्यार्थ्यांनी व्यसनमुक्तीची शपथ घेतली. तत्पूर्वी ग्रामसफाई करण्यात आली.