दोन अल्पवयीन बालिकांवर अत्याचार

चॉकलेटचे आमिष दाखवून दोन अल्पवयीन बालिकांवर अत्याचार तर एकीचा विनयभंग केला.

एकीचा विनयभंग : जवाहरनगर येथील घटना, आरोपीला पोलीस कोठडीभंडारा : चॉकलेटचे आमिष दाखवून दोन अल्पवयीन बालिकांवर अत्याचार तर एकीचा विनयभंग केला. ही घटना जवाहरनगर येथील सुयोगनगर येथे घडला. याप्रकरणी पोलिसांनी २३ वर्षीय नराधन कमलेश जनार्धन वालदे याला अटक केली आहे.यातील अत्याचारीत दोन पीडिता या नऊ व सहा वर्षांच्या असून विनयभंगातील पीडित बालिका ही पाच वर्षांची आहे. जवाहरनगर येथील सुयोगनगर येथील आरोपी व पीडितांचे एकमेकांच्या शेजारी घर आहेत. शेजारी असल्याने आरोपीचे पीडितांच्या घरी नेहमी जाणे-येणे होते. दोन्ही कुटुंबांशी सलोख्याचे संबंध असल्याने कुणालाही याबाबत पुसटशीही कल्पना नव्हती. मात्र, पाच वर्षीय बालिकेचा विनयभंग केल्यानंतर प्रकरण समोर आले. ११ आॅगस्टला नेहमीप्रमाणे कमलेश हा पीडित बालिकेच्या घरी गेला. याने तिला चॉकलेटचे आमिष देवून स्वत:च्या घरी आणले. त्यानंतर वासनांध युवकाने बालिकेचा विनयभंग केला. यानंतर घडलेली माहिती बालिकेने आईला दिली. बालिकेने कथन केलेल्या भयान वास्तवानंतर आईला जबर धक्का बसला. पण स्वत:ला सावरून बालिकेला विश्वासात घेवून सविस्तर विचारले असता, कमलेश नेहमीच असे करीत असल्याचा गंभीर प्रकार समोर आला. यानंतर पीडितेच्या आईने जवाहरनगर पोलिसात कमलेश वालदे विरूध्द तक्रार दाखल केली. प्रकरणाचे गांभिर्य ओळखून पोलिसांनी कमलेशविरूध्द कलम ३७६, ३५४ (अ), ५०६, पोस्को ४ व ८ कलामान्वये गुन्हा दाखल करून अटक केली. याप्रकरणी त्याला न्यायालयात हजर केले असता त्याला २९ आॅगस्टपर्यंत पोलिस कोठडी सुनावली आहे. घटनेचा तपास ठाणेदार आर. आर. नागरे यांच्या मार्गदर्शनाखाली पोलीस उपनिरीक्षक प्रीती आडे करीत आहे. (शहर प्रतिनिधी)असे उघडकीस आले प्रकरणघराशेजारील अल्पवयीन बालिकेवर वाईट नजर ठेवून विनयभंग केल्याची माहिती पीडित पाच वर्षीय बालिकेने आईला सांगितली. या घृणास्पद कृत्यामुळे संतप्त आईने युवकाशी वाद घातल्याने बालिकेवर अत्याचार करण्याचा प्रकार समोर आला. यामुळे त्यांच्याच घराशेजारी राहणाऱ्या दोन पीडित बालिकेच्या आईवडीलांनीही त्यांच्या नऊ व सहा वर्षीय बालिकांवर याच नराधमाने अत्याचार केल्याचा संतापजनक प्रकार कथन केला.