कोरोनाशी लढण्यासाठी भंडारा पॅरामेडिकलचे ४०० विद्यार्थी सज्ज

कोरोना विषाणू संपूर्ण जगाला आपल्या कवेत घेतले आहे. त्यातून भारत देशही सुटलेला नाही. महाराष्ट्रात या रुग्णांच्या संख्येत दिवसेंदिवस वाढत होत आहे. त्याच पार्श्वभूमीवर देशात ३ मेपर्यंत लॉकडाऊन वाढविण्यात आला आहे. या काळात आरोग्य कर्मचारी, पोलीस, सफाई कामगार व अन्य विभागातील कर्मचारी अहोरात्र काम करीत आहे. त्यांच्यावर कामाचा प्रचंड ताण निर्माण झाला आहे.

ठळक मुद्देप्रशासनाला यादी सुपूर्द : आरोग्य विभागासोबत कामाची तयारी

लोकमत न्यूज नेटवर्क
भंडारा : कोरोना विषाणूचा प्रादूर्भाव रोखण्यासाठी आरोग्य, पोलीस, सफाई कामगार व विविध विभागातील अधिकारी, कर्मचारी प्राण पणाला लावून काम करीत आहे. यात सर्वात मोठी भूमिका आरोग्य विभागाची आहे. त्यांच्यावर कामाचा मोठा ताण आहे. अशा कर्मचाऱ्यांना साथ देण्यासाठी भंडारा पॅरामेडिकल कॉलेजचे विद्यार्थी पुढे सरसावले आहे. कॉलेजचे संचालक डॉ. अनिल कुर्वे यांच्या पुढाकारात ४०० विद्यार्थ्यांनी कोरोनाशी लढा देण्याची तयार दर्शविली आहे. या सर्वांची यादी जिल्हा शल्यचिकित्सकांच्या सुपूर्द करण्यात आली आहे.
कोरोना विषाणू संपूर्ण जगाला आपल्या कवेत घेतले आहे. त्यातून भारत देशही सुटलेला नाही. महाराष्ट्रात या रुग्णांच्या संख्येत दिवसेंदिवस वाढत होत आहे. त्याच पार्श्वभूमीवर देशात ३ मेपर्यंत लॉकडाऊन वाढविण्यात आला आहे. या काळात आरोग्य कर्मचारी, पोलीस, सफाई कामगार व अन्य विभागातील कर्मचारी अहोरात्र काम करीत आहे. त्यांच्यावर कामाचा प्रचंड ताण निर्माण झाला आहे. आरोग्य विभागात आधीच कर्मचाऱ्यांचा तुटवडा असून अशा परिस्थीतीतही कर्मचारी एखाद्या योद्ध्याप्रमाणे लढा देत आहेत.
अशा कर्मचाºयांवरील कामाचा ताण कमी करण्यासाठी केंद्र व राज्य शासनामार्फत राबविण्यात येणाºया कौशल्य विकास योजनेतून पॅरामेडिकल क्षेत्रात प्रशिक्षण घेतलेले आणि शिकत असलेले पात्र व्यक्ती महत्वाचे ठरु शकतात. त्यासाठी भंडारा पॅरामेडिकल कॉलेज व तुमसर येथील अनुराधा पॅरामेडिकल कॉलेजच्या विद्यार्थ्यांनी कोरोनाशी लढा देण्यासाठी आपली समंती दिली आहे.
अभ्यासक्रम पूर्ण केलेले व सध्या शिकत असलेल्या ४०० विद्यार्थ्यांचे समंती पत्र, विद्यार्थ्यांची नावे, संपर्क क्रमांक जिल्हा शल्य चिकित्सकांकडे देण्यात आले आहे.

भंडारा जिल्ह्यात कोरोनाचा रुग्ण आढळून आला नाही. मात्र आपतकालीन स्थिती उद्भवल्यास त्यावर मात करण्यासाठी आम्ही सज्ज आहोत. आम्हाला सेवेची संधी द्यावी, विद्यार्थी कोरोनाला हरविल्याशिवाय राहणार नाही.
- डॉ. अनिल कुर्वे,
संचालक, भंडारा पॅरामेडिकल कॉलेज