महाशिवरात्री २०२६: ७२ तासांचा महासंयोग! महाशिवरात्रीला जोडून आले 'हे' दोन मोठे शुभ योग बदलतील तुमचे नशीब!

महाशिवरात्री २०२६: यंदा महाशिवरात्रीला १४, १५ ,१६ फेब्रुवारीला सलग ३ मोठे योग जुळून येत आहेत; त्यानिमित्ताने केलेले 'हे' उपाय बदलतील तुमचे नशीब!

फेब्रुवारी २०२६ मधील हा काळ शिवभक्तांसाठी अत्यंत दुर्मिळ आणि 'महासंयोग' घेऊन आला आहे. १४ फेब्रुवारीला शनिप्रदोष(Shani Pradosh 2026), १५ फेब्रुवारीला महाशिवरात्री(Mahashivratri 2026) आणि १६ फेब्रुवारीला सोमवती अमावास्या(Somvati Amavasya 2026) असा त्रिवेणी संगम एकापाठोपाठ येत आहे. हा काळ पितृदोष, शनिदोष आणि ग्रहपीडा दूर करण्यासाठी सुवर्णसंधी आहे.

महाशिवरात्री २०२६: नशिबाची साथ कोणाला मिळणार? महादेवाच्या कृपेसाठी राशीनुसार करा 'हे' दान

शनिप्रदोष, महाशिवरात्र आणि सोमवती अमावास्येचा 'महासंयोग'; शिवकृपेसाठी करा हे विशेष उपाय!

यंदा फेब्रुवारी महिन्यात शिवभक्तीचा अनोखा सोहळा रंगणार आहे. एकापाठोपाठ येणारे तीन अत्यंत शुभ योग साधून आपण आपल्या जीवनातील अनेक संकटांवर मात करू शकतो.

१. शनिवार, १४ फेब्रुवारी: शनिप्रदोष (पितृदोष आणि शनिदोष निवारण)

जेव्हा त्रयोदशी शनिवारी येते, तेव्हा त्याला 'शनिप्रदोष' म्हणतात. ज्यांच्या पत्रिकेत साडेसाती किंवा शनिदोष आहे, त्यांच्यासाठी हा दिवस महत्त्वाचा आहे.

विशेष उपाय: संध्याकाळी शिवमंदिरात जाऊन महादेवाला काळे तीळ अर्पण करा आणि पिंपळाच्या झाडाखाली मोहरीच्या तेलाचा दिवा लावा. यामुळे शनिदेवाची कृपादृष्टी लाभते.

२. रविवार, १५ फेब्रुवारी: महाशिवरात्री (महाकल्याणकारी योग)

हा शिव आणि शक्तीच्या मीलनाचा महान उत्सव आहे. या दिवशी केलेली पूजा अक्षय फळ देणारी असते.

विशेष उपाय: महाशिवरात्रीला रात्रीच्या चार प्रहरच्या पूजेचे मोठे महत्त्व आहे. महादेवाला बेलपत्र, पांढरी फुले आणि ऊसाचा रस अर्पण करा. "ओम नमः शिवाय" या मंत्राचा अखंड जप केल्याने मानसिक शांतता आणि आर्थिक स्थैर्य लाभते.

Mahashivratri 2026: महाशिवरात्रीपूर्वी ७ दिवस करा 'हा' उपाय; अनुभवा महादेवाच्या शक्तीचा चमत्कार!

३. सोमवार, १६ फेब्रुवारी: सोमवती अमावास्या (सौभाग्य आणि पितृशांती)

सोमवारी येणारी अमावास्या अत्यंत दुर्मिळ मानली जाते. हा दिवस पूर्वजांच्या आशीर्वादासाठी आणि सौभाग्य वृद्धीसाठी उत्तम आहे.

विशेष उपाय: या दिवशी पवित्र नदीत स्नान करून पितरांच्या नावाने तर्पण करावे. पिंपळाच्या झाडाला १०८ वेळा प्रदक्षिणा घातल्याने घरातील गरिबी दूर होते आणि सौभाग्यात वाढ होते.

या तीन दिवसात आवर्जून करण्यासारख्या गोष्टी:

अभिषेक: शक्य असल्यास तिन्ही दिवस महादेवाला शुद्ध जल किंवा दुधाचा अभिषेक करावा.

दान: अन्नदान किंवा गरजू व्यक्तीला काळे कपडे, अन्न आणि पाणी दान करणे अत्यंत फलदायी ठरेल.

मौन आणि जप: या तीन दिवसात शक्य तितके मौन पाळून शिव नामाचा जप करावा.

Mahashivratri 2026: यंदाची महाशिवरात्री खास, दोन दुर्मिळ योग एकत्र; इच्छापूर्तीसाठी करा 'हे' छोटेसे काम