Hanuman Jayanti 2026: गदाधारी मारुती झोपलेल्या अवस्थेत? वाचा प्रयागराजच्या 'या' अनोख्या मंदिराचे अजब वास्तव!

Hanuman Jayanti 2026: नेहमी सेवेस तत्पर असणारे हनुमंत चक्क विश्रांती घेतात? हनुमान जयंतीनिमित्त जाणून घ्या प्रयागराजमधील 'लेटे हनुमान' मंदिराचे अद्भूत रहस्य!

हनुमान, बजरंगबली, मारुती या नावांना जोडून एक प्रतिमा डोळ्यासमोर येते, ती म्हणजे आकाशात उड्डाण करणारे, श्रीरामाच्या सेवेत रत असणारे, संकटात धावून जाणारे मारुती! त्यांच्या मंदिरातही त्यांची गदाधारी मूर्तीच नजरेस पडते. असे असतानाही एक मंदिर असे आहे जिथे हनुमान चक्क विश्रांती घेत आहेत. एवढेच नाही, तर लोकांची श्रद्धा आहे की त्या स्थितीतही ते आपल्याला आशीर्वाद देतात आणि त्या आशीर्वादाने सर्व मनोकामना पूर्ण होतात. हनुमान जयंतीनिमित्त(Hanuman Jayanti 2026) जाणून घेऊया त्या मंदिराबद्दल सविस्तर माहिती. 

Hanuman Jayanti 2026: हनुमंताला १ पुत्र होता आणि ५ भाऊ; काय होती त्यांची नावे? वाचा रंजक आणि अज्ञात पैलू!

तुम्हाला हे जाणून आश्चर्य वाटेल की प्रयागराजमध्ये हनुमानाची भारतातील एकमेव अशी मूर्ती आहे जी निद्रिस्त (झोपलेल्या) मुद्रेत आहे. म्हणूनच त्यांना 'लेटे हनुमान(Sleeping Hanuman Temple at Prayagraj) या नावानेही ओळखले जाते. या मूर्तीला पाहण्यासाठी देशातूनच नव्हे तर परदेशातूनही भाविक येतात. असे मानले जाते की ही मूर्ती अनेक शतकांपासून येथे आहे. ही मूर्ती नेमकी कधी आणि कशी आली, हे निश्चितपणे सांगता येत नाही, पण तिच्याबद्दल अनेक कथा प्रचलित आहेत.

या मंदिराशी संबंधित काही मनोरंजक गोष्टी:

असे मानले जाते की, रावणाशी झालेल्या युद्धानंतर हनुमान अत्यंत थकून गेले होते आणि त्यांची मूर्ती त्याच अवस्थेचे प्रतीक आहे. अन्यथा हनुमंत झोपलेल्या अवस्थेत असलेली मूर्ती सापडणे दुर्मिळच आहे. 

गंगाही घेते दर्शन :

असे म्हटले जाते, की गंगा माता शिवशंकराला म्हणाली, मी सगळ्यांचे पाप धुते, मला पावन होण्यासाठी रुद्र अवतार असलेल्या हनुमंताच्या सेवेची संधी कधी देणार? त्यावेळी महादेवांनी गंगेला ती संधी दिली आणि हनुमंत जेव्हा प्रयागराजच्या काठावर येऊन पहुडले, तेव्हा दरवर्षी स्वतः गंगा माई पावसाळ्यात पूर आला असता हनुमंताच्या भेटीला थेट मंदिरापर्यंत पोहोचते. 

Hanuman Jayanti 2026: हनुमान आणि शनी मंदिर नेहमी शेजारीच का असते? जाणून घ्या यामागील 'हे' गुपित!

ऐतिहासिक आणि धार्मिक महत्त्व : 

हे मंदिर प्रयागराज येथील किल्ला आणि संगमच्या जवळ आहे, त्यामुळे या स्थळाला धार्मिक आणि ऐतिहासिक महत्त्व आहे. असे म्हटले जाते की या मंदिरात येणाऱ्या भक्तांच्या सर्व इच्छा पूर्ण होतात. त्यामुळे येथे दर्शनासाठी नेहमीच मोठी गर्दी असते. हे मंदिर केवळ एक धार्मिक स्थळ नाही, तर ते श्रद्धा आणि इतिहासाचे प्रतीक आहे. हनुमंताच्या या अनोख्या मूर्तीमुळे या मंदिराला एक वेगळी ओळख मिळाली आहे. 

चैत्र पौर्णिमा २०२६: हिंदू नववर्षाची पहिली पौर्णिमा; १० सेकंदात मिळवा संपूर्ण गुरुचरित्र पारायणाचं पुण्य!