कडा (जि. बीड) : आष्टीकडून कामानिमित्त जामखेडला जाणाऱ्या दुचाकीला नगरकडे जाणाऱ्या कारने जोराची धडक दिल्याने झालेल्या अपघातात दुचाकीवरील दोघे जागीच ठार झाले. मंगळवारी दुपारी हा अपघात झाला.
{{#config.logo.enabled}}
{{/allowed}}आष्टी तालुक्यातील दादेगाव येथील बाळासाहेब भाऊसाहेब सुरनर (वय ३५) व बबन किसन चव्हाण (वय ४५) (दोघे रा. कवडगाव, ता. जामखेड) हे दोघे मंगळवारी आष्टीकडून दुचाकीने (क्र. एमएच २३, झेड ५८९) जामखेडच्या दिशेने जात होते. दरम्यान , जामखेड येथून नगरकडे भरधाव जाणाऱ्या कारने ( क्र. एम. एच. २३, इडी ३५६२) मंगळवारी दुपारी बीड-नगर रोडवर दुचाकीला समोरासमोर जोराची धडक दिली. यात बाळासाहेब सुरनर व बबन चव्हाण हे दोघेही जागीच ठार झाले. धडक देणारा कार चालक पसार असून, आष्टी पोलीस ठाण्यात अपघाताचा गुन्हा दाखल आहे. तपास पोलीस नाईक रघुनाथ आटोळे करीत आहेत.
280721\20210728_122425_14.jpg