Walmik Karad : अचानक वाल्मीक कराडची प्रकृती खालावली; ईसीजी काढला

Walmik Karad : वाल्मीक कराड याची अचानक प्रकृती खालावली आहे, रुग्णालयात तपासणी दरम्यान त्याचा ईसीजी काढला आहे.

Walmik Karad ( Marathi News ) : वाल्मीक कराड याच्याविरोधात मकोका अंतर्गत गुन्हा दाखल करण्यात आला आहे. आज न्यायालयीन कोठडी सुनावली आहे, वाल्मीक कराड याचा ताबा एसआयटी घेणार आहे. दरम्यान, वाल्मीक कराड याच्याबाबत एक मोठी अपडेट समोर आली आहे. कराड याची वैद्यकीय तपासणी करण्यात आली असून ईसीजी काढण्यात आला आहे. कराड याची तब्येत खालावल्याची माहिती समोर आली आहे. 

वाल्मीक कराड याच्यावर मकोका अंतर्गत कारवाई केल्यानंतर त्याची वैद्यकीय चाचणी करण्यात आली. वैद्यकीय चाचणीवेळी त्याचा ईसीजी काढण्यात आला. सध्या अजूनही मेडिकल चेकअप सुरू आहे, प्रकृती खालावली असल्याची माहिती समोर आली आहे. 

Walmik Karad : वाल्मीक कराडला मकोका, सुरेश धसांची पहिली प्रतिक्रिया, म्हणाले, 'कायद्या पुढे कोणीही मोठं नाही..."

न्यायालयीन कोठडीत रवानगी

पवनचक्की कंपनीच्या खंडणी प्रकरणात अटकेत असणाऱ्या वाल्मीक कराडला १५ दिवसांची पोलीस कोठडी संपल्यानंतर आज कोर्टात हजर करण्यात आलं होतं. सरकारी वकील आणि वाल्मीक कराडच्या वकिलांचा युक्तिवाद संपल्यानंतर आज कोर्टाने कराडला १४ दिवसांची न्यायालयीन कोठडी सुनावली आहे. मात्र त्याचवेळी पोलिसांकडून महत्त्वाची माहिती देण्यात आली आहे. वाल्मीक कराडवर मकोका कायद्यांतर्गत गुन्हा नोंद करण्याची प्रक्रिया सुरू असल्याचं पोलिसांकडून सांगण्यात आल्याचे समजते. तसा अर्जही पोलिसांनी केजच्या वरिष्ठ कोर्टाकडे केल्याची माहिती आहे. त्यामुळे मकोका कायद्यांतर्गत गुन्हा नोंदवल्यानंतर एसआयटीकडून पुन्हा कराडची कोठडी मागितली जाऊ शकते.

आठ आरोपींना मकोका

सरपंच संतोष देशमुख यांच्या हत्या प्रकरणातील आठ आऱोपींवर मकोका कायद्यांतर्गत यापूर्वीच गुन्हा दाखल करण्यात आला आहे. मात्र त्यावेळी कराड याला या गुन्ह्यात घेण्यात आले नव्हतं. त्यानंतर दिवंगत संतोष देशमुख यांच्या कुटुंबीयांसह मस्साजोगच्या ग्रामस्थांनी संताप व्यक्त करत वाल्मीक कराड हाच गुन्ह्याचा सूत्रधार असून त्याच्यावर मकोका कायद्यासह हत्येच्या प्रकरणातही गुन्हा दाखल करावा, अशी मागणी देशमुख कुटुंबाकडून करण्यात आली होती. त्यानंतर आता पोलिसांकडून कराडवर मकोका लावण्याच्या हालचाली सुरू झाल्या आहेत.