आष्टी : तालुक्यातील चिंचपूर येथील जामखेड-नगर रोडवर गुगळे प्लाॅटच्या उत्तरेस एक अनोळखी मृतदेह आढळून आल्याने खळबळ उडाली. मृताची ओळख पटली नसल्याने शवविच्छेदनानंतर या मृतदेहावर प्रशासनाकडून अंत्यसंस्कार करण्यात आले आहेत.
याबाबत पोलिसांकडून मिळालेली माहिती अशी की, शनिवारी ( दि. २७ ) सायंकाळी ७ वाजेच्या दरम्यान पोलिस पाटील शिंदे यांना मुलगा विशाल याने फोन करून आष्टी-जामखेड रोडवर एच.यु. गुगळे प्लाॅटींगच्या उत्तरेस लिंबाच्या झाडाखाली एका ५० वर्षीय व्यक्तीचा मृतदेह आढळला आहे. या माहितीवरून सरपंच ढवळे, विकास ढवळे, प्रदीप गुंजाळ यांनी मृतदेह आष्टी येथील ग्रामीण रुग्णालय दाखल केला. शवविच्छेदन केल्यानंतर प्रशासनाकडून रविवारी सायंकाळी त्याच्यावर अंत्यसंस्कार केले. याप्रकरणी पुढील तपास पोलिस उपअधीक्षक अधिक्षक विजय लगारे , पोलिस निरीक्षक सलीम चाऊस यांच्या मार्गदर्शनाखाली पोलिस नाईक रघूनाथ आटोळे, पोलीस शिपाई धनंजय सुळ हे करीत आहेत.