BYD ची सर्वात स्वस्त अन् छोटी इलेक्ट्रिक कार 'Atto 1' लाँच! एका चार्जवर धावणार ३८० किमी; पाहा फीचर्स आणि किंमत

By ऑनलाइन लोकमत | Updated: March 27, 2026 10:22 IST2026-03-27T10:21:26+5:302026-03-27T10:22:36+5:30

BYD Atto 1 इलेक्ट्रिक कार थायलंडमध्ये लाँच. ३८० किमी रेंज आणि ब्लेड बॅटरी तंत्रज्ञानाने सज्ज. टाटा टियागो EV ला मिळणार टक्कर.

BYD's cheapest and smallest electric car 'Atto 1' launched at 12 lakh price! Will run 380 km on a single charge; See features and price | BYD ची सर्वात स्वस्त अन् छोटी इलेक्ट्रिक कार 'Atto 1' लाँच! एका चार्जवर धावणार ३८० किमी; पाहा फीचर्स आणि किंमत — BYD ची सर्वात स्वस्त अन् छोटी इलेक्ट्रिक कार 'Atto 1' लाँच! एका चार्जवर धावणार ३८० किमी; पाहा फीचर्स आणि किंमत

जगातील आघाडीची इलेक्ट्रिक कार उत्पादक कंपनी BYD ने आपल्या ताफ्यातील सर्वात लहान आणि किफायतशीर इलेक्ट्रिक कार BYD Atto 1 अधिकृतपणे थायलंडच्या बाजारात उतरवली आहे. ही कार प्रामुख्याने शहरी वापरासाठी डिझाइन केलेली असून, मध्यमवर्गीय ग्राहकांना डोळ्यासमोर ठेवून तयार करण्यात आली आहे.

या कारमध्ये लहान बॅटरी पॅक असूनही, ती एका पूर्ण चार्जवर ३८० किमी (NEDC) पर्यंतची रेंज देते. शहरांतर्गत प्रवासासाठी ही रेंज अत्यंत प्रभावी मानली जात आहे. ही एक कॉम्पॅक्ट हॅचबॅक कार असून दाट रहदारीच्या ठिकाणी चालवण्यासाठी आणि पार्क करण्यासाठी अतिशय सोपी आहे. यात BYD चे प्रसिद्ध 'ड्रॅगन फेस' डिझाइन पाहायला मिळते. 'Atto 1' मध्ये BYD ची सुरक्षित आणि दीर्घकाळ टिकणारी 'ब्लेड बॅटरी' वापरण्यात आली आहे, जी उष्ण हवामानातही चांगली कामगिरी करते.

लहान कार असूनही यात मोठा टचस्क्रीन इन्फोटेनमेंट सिस्टम, डिजिटल इन्स्ट्रुमेंट क्लस्टर, ॲडव्हान्स्ड ड्रायव्हर असिस्टन्स (ADAS) आणि कनेक्टेड कार टेक्नॉलॉजी देण्यात आली आहे.

किंमत आणि स्पर्धा
थायलंडमध्ये या कारची किंमत भारतीय रुपयांनुसार साधारणपणे १२ ते १५ लाख रुपयांच्या दरम्यान आहे. थायलंडमध्ये लाँच झाल्यामुळे आता ही कार लवकरच भारतीय बाजारपेठेतही दाखल होईल, अशी चर्चा ऑटो क्षेत्रात सुरू झाली आहे. भारतात ही कार Tata Tiago EV आणि MG Comet EV ला मोठी टक्कर देऊ शकते.

Web Title : BYD ने लॉन्च की सस्ती 'Atto 1' इलेक्ट्रिक कार: 380 किमी रेंज!

Web Summary : BYD ने थाईलैंड में अपनी सबसे छोटी, किफायती इलेक्ट्रिक कार Atto 1 लॉन्च की। यह 380 किमी की रेंज, आधुनिक तकनीक प्रदान करती है और शहरी यात्रियों को लक्षित करती है। भारत में लॉन्च होने की उम्मीद है, यह Tata Tiago EV और MG Comet EV को टक्कर देगी।

Web Title : BYD Launches Affordable 'Atto 1' EV: 380km Range!

Web Summary : BYD launched its smallest, affordable EV, the Atto 1, in Thailand. It offers a 380km range, modern tech, and targets urban commuters. Expected to launch in India, it will rival Tata Tiago EV and MG Comet EV.

टॅग्स :