रेल्वेमध्ये चढ्या दराने खाद्यविक्री

धावत्या रेल्वे गाड्यांमध्ये अनधिकृत खाद्यपदार्थ विक्रेत्यांनी चढ्या दराने विक्री करुन प्रवाशांची लूट चालविली आहे.

लोकमत विशेषअमरावती : धावत्या रेल्वे गाड्यांमध्ये अनधिकृत खाद्यपदार्थ विक्रेत्यांनी चढ्या दराने विक्री करुन प्रवाशांची लूट चालविली आहे. या गंभीर बाबीकडे रेल्वे सुरक्षा दलाचे दुर्लक्ष असून अनधिकृत खाद्यपदार्थ विक्रीतून सुरक्षा दलाला महिन्याकाठी मोठी रक्कम मिळत आहे.रेल्वे स्थानकावर परवानाधारक खाद्य पदार्थ विक्रेत्यांचे अधिकृत स्टॉल, हातगाड्या प्लॅटफार्मवर आहेत. मात्र, धावत्या रेल्वे गाड्यांमध्ये खाद्य पदार्थ विक्रेते हे रेल्वे पोलिसांना हाताशी धरुन व्यवसाय करतात. रेल्वे गाड्यांमध्ये विक्री होणारे खाद्यपदार्थ अप्रमाणित असताना ते प्रवाशांना चढ्या दरात विकण्याचा प्रकार सुरु आहे. हल्ली धावत्या रेल्वे गाड्यांमध्ये विकले जाणाऱ्या खाद्यपदार्थांमुळे प्रवाशांच्या आरोग्याला धोका निर्माण होण्याची शक्यता आहे. बडनेरा ते नागपूरदरम्यान रेल्वे गाड्यांमध्ये मोठ्या संख्येने अनधिकृत खाद्य पदार्थ विक्रेते व्यवसाय करीत असताना रेल्वे सुरक्षा दल किंवा रेल्वे पोलिसांकडून कोणतीही कारवाई होत नसल्याचे चित्र आहे. रेल्वे सुरक्षा बलाच्या आशीर्वादाने सुरु असलेल्या या व्यवसायातून एका व्यक्तींकडून रेल्वे सुरक्षा दलाला ४० ते ५० हजार रुपये मिळत असल्याची माहिती आहे. बडनेरा रेल्वे स्थानकाहून सुमारे ३५ अनधिकृत खाद्य पदार्थ विक्रे ते धावत्या रेल्वे गाड्यांमध्ये चालत आहेत. फेब्रवारीत १७५ विके्रत्यांवर कारवाईबडनेरा ते अकोलादरम्यान धावत्या रेल्वेत १७५ अनिधकृत खाद्यपदार्थ विक्रत्यांवर कारवाई केली. प्राप्त तक्रारींची दखल घेत अनधिकृत खाद्यपदार्थ विक्रत्यांना लगाम लावण्यासाठी विशेष पथकाची नियुक्ती केली आहे, अशी माहिती सुरक्षा बलाच्या अधिकाऱ्यांनी दिलीखाद्य पदार्थांच्या दर्जांवर प्रश्नचिन्हबडनेरा रेल्वे स्थानकावर दर दिवसाला २५ ते ३० गाड्यांची ये- जा सुरु राहते. रेल्वे स्थानकावर तीन ते चार अधिकृत खाद्य पदार्थ विक्रते परवानेधारक आहेत. मात्र, प्लॅटफार्मवर विकले जाणारे खाद्यपदार्थ कोण प्रमाणित करते, हा संशोधनाचा विषय आहे. ज्या कक्षात खाद्य पदार्थ तयार केले जाते तेथे घाण ही नित्याचीच बाब आहे. परिणामी रेल्वेच्या वैद्यकीय अधिकाऱ्यांनी खाद्य पदार्थ तयार होणाऱ्या स्थळाची पाहणी करणे गरजेचे आहे.