सद्यस्थितीत कडक उन्हामुळे श्वानांना दिवसाचे तापमान असह्य वाटू लागल्याने सावलीचा आडोसा घेऊन वा नालीच्या साह्याने थंड जागेत अस्तित्व लपवून बसलेले असतात. अडचणीतून मार्ग काढतान अचानक त्यांना स्पर्श झाल्यास चिडून चावा घेतात. तसेच दिवसा झोप घेतल्याने रात्रीला ते जागे राहून भुंकताना दिसत आहे. शहरातील विविध भागात वर्दळीच्या मार्गावर कळपाने बसून भूंकताना दिसतात. काही भागात वाहनधारकाच्या अंगावर धावण्याची नवीन कलाच या श्वांनांनी अवगत केलेली आहे. अशा स्थितीत बेसावध असलेल्या वाहनधारकांना अचानक अंगावर श्वान धावल्यानंतर सावरताना वाहनावरील नियंत्रण बिघडून अपघाताच्या घटना घडत आहे. विशेष करून रात्री ९ ते ११ वाजता दरम्यान या घटना प्रकर्षाने घडत असल्याच्या अनेकांच्या तक्रारी आहेत. यावर महापालिकेच्या पशू संवर्धन विभागाने काही उपाययोजना करण्याची मागणी नागरिकांकडून होत आहे.
बॉक्स
बाजार समिती पेपर विक्रेत्याला चावा
येथील कृषी उत्पन्न बाजार समितीत सकाळी पेपर वाटण्याकरिता गेलेल्या एका युवकाला मागून श्वानाने चावा घेतल्याची घटना बुधवारी घडली. त्याने पँटच्या मागील खिशात पॉकीट ठेवल्यामुळे श्वानाच्या जबड्यात ते पॉकीटच आल्याने ते थोडक्यात बचावले. मात्र, पुन्हा त्या भागात पेपर वाटण्यास जाण्याचे धाडस त्यांनी केले नाही. त्यामुळे अशा श्वानांचा बंदोबस्त करण्याची मागणी होत आहे.
----
मार्च महिन्यात श्वान, सर्पदंशाच्या घटना
गावा सर्पदंश श्वानदंश
अंजनगाव सुर्जी -- ६७
चांदूर रेल्वे १ ५८
धारणी ४ १७०
तिवसा २ ३३
चिखलदरा - ६
धामणगाव रेल्वे १ २४
भातकुली १ ३९
वरूड २ १३२
चुरणी ९ ८
अमरावती ४८ १११२
नांदगाव खंडेश्वर १ ५८
चांदूर बाजार १ ५३
दर्यापूर - ५७
अचलपूर ५ १४९
मोर्शी ३ ८२
एकूण २४ २०४८
-------------------------
मोकाट श्वानांचा बंदोबस्त होणे गरजेचे
शहरात रात्रीच्या वेळी मोकाट श्वान कळपाने फिरतात. वाहनधारकांना जवळ येईस्तोवर खाली मान घालून काही तरी शोधत असल्याचे भासून गाफील स्थितीत अगदी जवळ येताच भूंकून चावा घेण्याचा प्रयत्न करतात. त्यामुळे भांबावलेले वाहनचालक एकतर श्वानाचे शिकारी होतात, नाहीतर अपघात करवून घेतात. त्यामुळे अशा मोकाट श्वानांचा बंदोबस्त करण्याची मागणी वाढीस लागली आहे.
कोट
चार वर्षांपासून शहरातील मोकाट श्वानांची नसबंदी कार्यक्रम राबविलेले नाही. केंद्र सरकारच्या गाईडलाईननुसार जून महिन्यापूर्वी श्वान उत्पत्ती नियंत्रण उपक्रम राबविला जाणार आहे. श्वानदंशाची तक्रार आल्यास आमचे पथक तेथे पोहचून उपाययोजना करीत आहे.
- सचिव बोंद्रे,
पशूसंवर्धन अधिकारी, महापालिका