बाबूलाल मलिये
दर्यापूर : बाबूलाल मलिये (८२) यांचे २३ फेब्रुवारी रोजी अल्पशा आजाराने निधन झाले.. त्यांच्या पश्चात पत्नी, तीन मुले, चार मुली व बराच आप्तपरिवार आहे. त्यांचा अंतसस्कार शांतिनगर स्मशस्मशानभूमीत पार पडला. भ्रष्टाचार निर्मूलन समितीचे दर्यापूर येथील अध्यक्ष कन्हैया मलिये यांचे ते वडील होत.
--------------
पोल्ट्रीतील मृत कोंबड्या जाळल्याने दुर्गंधी
बडनेरा : अंजनगाव बारी मार्गावरील म्हसला शिवारात पोल्ट्री संचालक मेटकर हे मृत कोंबड्या शेताच्या धुऱ्यावर जाळत असल्याची तक्रार पशुसंवर्धन विभागाकडे शेतकरी मुरलीधर लाड यांनी केेेली. त्याची दुर्गंधी शेतात काम करणाऱ्या मजुरांच्या आरोग्यास बाधक ठरत आहे. येथून जवळच लोकवस्ती ,शाळा ,मंदिर असल्याचे तक्रारीत नमूद आहे.
---------
अंजनगाव सुर्जी येथे बार फोडला
अंजनगाव सुर्जी : विद्यासागर विनायक खंडारे (४०, रा. अंजनगाव सुर्जी) यांचे अकोट रोडवरील बार फो़डून अज्ञात चोरट्याने १५ हजार ५०० रुपयांचे मद्य लंपास केले. अंजनगाव सुर्जी पोलिसांनी भादंविचे कलम ४५७, ३८० अन्वये गुन्हा दाखल केला.
-------------
डोक्यावर लोखंडी सळाख मारली
बेनोडा : नजीकच्या ग्राम बर्डी येथे जुन्या वादातून मुन्ना महादेवराव इडपाची याने मंगेश बलदेवराव उईके (२८) याच्या डोक्यावर लोखंडी सळाखीने प्रहार केला. त्यामुळे डोके फुटून रक्तस्राव झाला. बेनोडा पोलिसांनी भादंविचे कलम ३२४ अन्वये गुन्हा दाखल केला आहे.