-----------------
कपाळावर दगड मारून जखमी केले
मंगरूळ चव्हाळा : मुलाला मारण्यास धावलेल्या युवकाला हटकल्यावरून कपाळावर दगड मारून जखमी केल्याची घटना पळसमंडळ येथे घडली. अमोल भाऊराव ढगे (३८) यांच्या तक्रारीवरून आरोपी प्रमोद दुर्योधन जांभळे (३५, रा. पळसमंडळ) विरुद्ध मंगरूळ चव्हाळा पोलिसांनी गुन्हा नोंदविला.
------------------
अल्पवयीन मुलीला फूस लावून पळविले
परतवाडा : शहरातील १५ वर्षीय अल्पवयीन मुलीला पळवून नेल्याची घटना २७ जून रोजी उघडकीस आली. मुलीच्या आईच्या तक्रारीवरून परतवाडा पोलिसांनी प्रवीण प्रकाश बोरसे (२३, रा. एकतानगर, कांडली) विरुद्ध २८ जून रोजी गुन्हा नोंदविला.
-------------------
पोल्ट्री फार्मचे साहित्य घेऊन मजूर पसार
अंजनगाव सुर्जी : शेतात कामावर असलेला मजूर पोल्ट्री फार्ममधील पाच हजारांचे साहित्य घेऊन पसार झाल्याची घटना २३ जून रोजी उघडकीस आली. प्रमोद रामदास येऊल (रा. अंजनगाव) यांच्या तक्रारीवरून अंजनगाव पोलिसांनी आरोपी दिनेश इंदरसिंह पराते (रा. खैरलांजी, छिंदवाडा) विरुद्ध गुन्हा नोंदविला.
----------------
मद्यपीकडून वडिलांना लाथा-बुक्क्यांनी मारहाण
अंजनगाव सुर्जी : दारू पिऊन मुलाने वडिलांना लाथा-बुक्क्यांनी मारहाण केल्याची घटना तालुक्यातील धनेगाव येथे २८ जून रोजी घडली. फिर्यादी शांतीलाल बळीराम गायगोले यांच्या तक्रारीवरून आरोपी प्रज्ज्वल शांतीलाल गायगोलेविरुद्ध अंजनगाव पोलिसांनी गुन्हा नोंदविला.
------------
दुचाकीवर बसवून आणलेल्या युवकाला मारहाण
येवदा : सोबत मद्यपान करून दुचाकीवर बसवून आणलेल्या युवकाला मारहाण करून जखमी केल्याची घटना २८ जून रोजी रामतीर्थ येथे घडली. गजानन पुंडलिक वानखडे (३२) यांच्या तक्रारीवरून येवदा पोलिसांनी नीलेश प्रकाश खडे (२८, रा. रामतीर्थ) विरुद्ध गुन्हा नोंदविला.
---------------
क्षुल्लक कारणावरून महिलेला मारहाण
शेंदूरजना घाट : शेजारी सब्बल आणण्यास पाठविलेल्या महिलेला येण्यास उशीर झाल्याच्या कारणावरून कुऱ्हाडीच्या दांड्याने मारून जखमी करण्यात आले. ही घटना मलकापूर येथे २८ जून रोजी सकाळी घडली. महिलेच्या तक्रारीवरून शेंदूरजना घाट पोलिसांनी अंबादास वामनराव बागडे (५०, रा. मलकापूर) विरुद्ध गुन्हा नोंदविला.
------------
मुलीला पळविले, संशयिताविरुद्ध गुन्हा
मंगरूळ दस्तगीर : कामावर निघालेली मुलगी सायंकाळी उशिरापर्यंत घरी न आल्याने वडिलांनी तिच्या मैत्रिणीला विचारपूस केली. मात्र, मिळून आली नाही. संशयिताने पळवून नेल्याच्या तक्रारीवरून मंगरूळ पोलिसांनी संशयित अतुल बळवंत उमाळेविरुद्ध गुन्हा नोंदविला.
------------------
धुऱ्यावरून वाद, इसमाला मारहाण
कुऱ्हा : शेताच्या धुऱ्यावरून पायी जाणाऱ्या शेतकऱ्याला अडवून वाद करीत बाशाने मारहाण केल्याची घटना २८ जून रोजी दुपारी १२.३० वाजता शिदवाडी शिवारात घडली. मदन हिरासिंह राठोड (५०) यांच्या तक्रारीवरून प्रकाश श्रीराम जाधव (४०, रा. शिदवाडी) विरुद्ध कुऱ्हा पोलिसांनी गुन्हा नोंदविला. प्रकाश श्रीराम जाधव यांच्या तक्रारीवरून मदन व मनोहर हिरासिंग राठोड (४७), शरद पंडित राठोडविरुद्ध संत्राझाडांची छाटणी केल्याबद्दल गुन्हा नोंदविण्यात आला. ------------------
-------------