ठळक मुद्देशिर्डी मतदारसंघातून सेनेकडून उमेदवारी नाकारल्याने अपक्ष म्हणून रिंगणात उतरणार असल्याची भुमिका माजी खासदार भाऊसाहेब वाकचौरे यांनी जाहीर केली. शिर्डी येथील निवासस्थानी बैठकीत त्यांनी भुमिका जाहीर केली आहे. निवडून आलो तर पंतप्रधान मोदी यांच्या बरोबरच व नेतृत्वाखाली काम करणार असल्याचे वाकचौरे यांनी सांगितले.
शिर्डी - शिर्डी मतदारसंघातून सेनेकडून उमेदवारी नाकारल्याने अपक्ष म्हणून रिंगणात उतरणार असल्याची भुमिका माजी खासदार भाऊसाहेब वाकचौरे यांनी जाहीर केली. शिर्डी येथील निवासस्थानी बैठकीत त्यांनी भुमिका जाहीर केली आहे.
वाकचौरे म्हणाले, जनतेच्या प्रेमापोटी आणि आग्रहाने निवडणूक लढवतोय. निवडून आलो तर पंतप्रधान मोदी यांच्या बरोबरच व नेतृत्वाखाली काम करणार असल्याचे वाकचौरे यांनी सांगितले. गेल्या निवडणुकीत वाकचौरे यांनी काँग्रेसकडून निवडणुक लढविली होती. यामध्ये सेनेचे खासदार सदाशिव लोखंडे यांनी वाकचौरे यांचा पराभव केला. मध्यंतरी वाकचौरे यांनी पुन्हा भाजपामध्ये प्रवेश केला होता. आणि आता लोकसभा निवडणुकीच्या पार्श्वभुमीवर वाकचौरे यांनी पुन्हा बंडखोरी केली आहे. शिवसेना, काँग्रेस,भाजपा आणि आता अपक्ष असा वाकचौरे यांचा प्रवास राहिला आहे.