अहमदनगर : विविध आजारांवर दर्जेदार उपचारांसाठी नावाजलेल्या साईदीप हॉस्पिटलमध्ये आता कॅन्सरवर परिपूर्ण उपचार सुविधा उपलब्ध करून देण्यात आली आहे. हॉस्पिटलमध्ये अद्ययावत कॅन्सर उपचार विभाग सुरू होत आहे. या विभागात अचूक निदान व परिणामकारक उपचार रुग्णांना मिळणार आहेत. यात किमोथेरपी, टार्गेटेड किमोथेरपी, इम्युनोथेरपी व कॅन्सरवरील शस्त्रक्रिया करण्यात येतील, अशी माहिती साईदीपचे चेअरमन डॉ. एस. एस. दीपक यांनी पत्रकार परिषदेत दिली.
साईदीपमधील कॅन्सर विभागात कॅन्सर तज्ज्ञ डॉ. दत्तात्रय अंदुरे, पुण्याचे प्रसिद्ध कॅन्सर सर्जन डॉ. भाग्यश्री खळदकर, डॉ. अमित पारसनीस, डॉ. पंकज क्षीरसागर हे पूर्ण वेळ सेवा देणार आहेत. सध्या विविध कारणांमुळे, वाढत्या व्यसनाधीनतेमुळे कॅन्सरचे प्रमाण वाढत आहे. कॅन्सरमध्ये वेळीच निदान होणे आणि त्वरित उपचार महत्त्वाचे असतात. रुग्णांना दर्जेदार उपचारांसाठी पुणे, मुंबई, चेन्नई, बंगलोर अशा महानगरांत जाण्याची गरज पडू नये, त्यांना नगरमध्येच माफक दरात चांगले उपचार मिळावेत, म्हणून साईदीप हॉस्पिटलने सेवा विस्तार केला आहे. उपचारांबरोबरच कॅन्सर प्रतिबंधासाठी व्यापक जनजागृतीपर उपक्रम राबविण्यात येणार आहेत, असे डॉ. दीपक यांनी सांगितले.
कॅन्सर तज्ज्ञ डॉ. दत्तात्रय अंदुरे हे नगरचेच भूमिपुत्र आहेत. ते म्हणाले, सध्या कॅन्सर आजाराचे प्रमाण वाढले आहे. कॅन्सरबाबत न घाबरता तपासणी, अचूक निदान केल्यास वेळीच प्रभावी उपचार करणं शक्य होते. यातून कॅन्सर पूर्ण बरा होऊ शकतो. अनुभवी मेडिकल ऑन्कोलॉजिस्ट ( कॅन्सर तज्ज्ञ), कॅन्सर सर्जन, रेडिएशन तज्ज्ञ असल्याने कॅन्सरवरील प्रभावी उपचार रुग्णांना मिळतील. यावेळी साईदीप हॉस्पिटलचे संचालक डॉ. आर. आर. धूत, डॉ. कैलास झालानी, डॉ. रवींद्र सोमानी, डॉ. निसार शेख, डॉ. व्ही. एन. देशपांडे, डॉ. अनिल कुऱ्हाडे, डॉ. इकबाल, शेख, डॉ. शामसुंदर केकडे, डॉ. हरमीत कथूरिया, डॉ. संगीता कुलकर्णी, डॉ. अश्विन झालानी, डॉ. राहुल धूत, डॉ. किरण दीपक, डॉ. वैशाली किरण, डॉ. अनिकेत कुऱ्हाडे, डॉ. कस्तुरी कुऱ्हाडे, डॉ. रोहित धूत, डॉ. पायल धूत, आदी उपस्थित होते. (वा. प्र.)
--------
फोटो-२१साईदीप हॉस्पिटल
साईदीप हॉस्पिटलमध्ये शुक्रवारी झालेल्या पत्रकार परिषदेत तज्ज्ञ डॉक्टरांनी कॅन्सर उपचार विभागाची माहिती दिली. यावेळी डॉ. एस. एस. दीपक तज्ज्ञ.