वाशिम : राष्ट्रीय युवा दिनानिमित्त १२ जानेवारीला शालेय मॅरेथॉन स्पर्धा!

वाशिम: राष्ट्रीय युवा दिनानिमित्त जिल्हा क्रीडा अधिकारी कार्यालय व कोकलगावच्या श्री स्वामी विवेकानंद विद्यालय व महाविद्यालयाच्या वतीने १२ जानेवारीला शालेय विद्यार्थ्यांकरिता मॅरेथॉन स्पर्धेचे आयोजन करण्यात आले आहे. त्यात सहभागी होण्याचे आवाहन करण्यात आले आहे. 

ठळक मुद्देसहभागी होण्याचे आवाहन: क्रीडा अधिकारी कार्यालयाचा पुढाकार

लोकमत न्यूज नेटवर्क
वाशिम: राष्ट्रीय युवा दिनानिमित्त जिल्हा क्रीडा अधिकारी कार्यालय व कोकलगावच्या श्री स्वामी विवेकानंद विद्यालय व महाविद्यालयाच्या वतीने १२ जानेवारीला शालेय विद्यार्थ्यांकरिता मॅरेथॉन स्पर्धेचे आयोजन करण्यात आले आहे. त्यात सहभागी होण्याचे आवाहन करण्यात आले आहे. 
क्रीडा व युवा सेवा संचालनालय, महाराष्ट्र शासन, पुणेअंतर्गत वाशिम जिल्हा क्रीडा अधिकारी कार्यालय व कोकलगाव (ता. वाशिम) येथील श्री स्वामी विवेकानंद विद्यालय व महाविद्यालय यांच्या संयुक्त विद्यमाने युगाचार्य स्वामी विवेकानंद यांचा १२ जानेवारी हा जन्मदिवस राष्ट्रीय युवा दिन म्हणून साजरा करण्यात येत आहे. त्यानिमित्त यादिवशी सकाळी ९ वाजता शालेय मॅरेथॉन स्पर्धा आयोजित करण्यात आली आहे. या स्पर्धेत शाळा, शैक्षणिक संस्था, युवक मंडळांनी सहभागी होऊन स्पर्धा यशस्वी करण्यासाठी सहकार्य करावे, असे आवाहन जिल्हा क्रीडा अधिकारी यांनी केले आहे.